రవీంద్రనాధ ఠాగూర్ (Rabindranath Tagore)

రవీంద్రనాధ ఠాగూర్ జననం మే 7, 1861 రంగం రచయిత అవార్డులు నోబెల్ బహుమతి మరణం ఆగస్టు 7, 1941 భారతదేశం తరఫున తొలి నోబెల్ బహుమతి గ్రహీత మరియు జాతీయగీతం "జనగణమన" రచయిత అయిన రవీంద్రనాధ ఠాగూర్ మే 7, 1861న బెంగాల్‌లో జన్మించారు. రవీంద్రుడు ఇంగ్లండులో ఉండగానే భగ్న హృదయం అనే కావ్యాన్ని రచించారు. అయితే ఇంగ్లండులో పద్దెనిమిది మాసాలు వుండి ఏ డిగ్రీనీ సంపాదించకుండానే స్వదేశానికి తిరిగి వచ్చారు. ఆ తర్వాత 1883 డిసెంబర్ 9 న మృణాలిని దేవీతో వివాహం జరిగింది. 1913లో గీతాంజలి రచన కోసం సాహిత్యంలో నోబెల్ పురస్కారం పొంది ఈ ఘనత సాధించిన తొలి భారతీయుడిగా చరిత్ర సృష్టించారు. ఈయన రచించిన "జనగణమన" గేయం జాతీయగేయంగా కొనసాగుతోంది. ఠాగూర్ ఆగస్టు 7, 1941న మరణించారు. గీతాంజలి: రవీంద్రుని రచనలలో గీతాంజలి ప్రముఖమైనది. రవీంద్రుడు తాను బెంగాలీ భాషలో రచించిన భక్తిగీతాలను కొన్నింటిని ఆంగ్లంలోనికి అనువదించి గీతాంజలి అని పేరు పెట్టాడు. అది అనేక ప్రపంచ భాషలలోనికి అనువదించబడింది. ప్రపంచ సాహిత్యంలో ఇది గొప్ప రచన. మానవుని కృంగదీసే నిరాశా నిస్పృహలను, సకల సృష్టిని ప్రేమభావంతో చూచి శ్రమ యొక్క గొప్పతనాన్ని సూచించే మహత్తర సందేశం గీతాంజలిలోని ముఖ్యాంశం. 1913 వ సంవత్సరంలో సాహిత్యానికి సంబంధించి రవీంద్రుని ఈ గీతాంజలికే నోబెల్ బహుమతి లభించింది. విశ్వకవి అనే బిరుదును సాధించి పెట్టింది. ఆసియా ఖండంలో మొదటిసారి నోబెల్ బహుమతి పొందిన వ్యక్తి. గీతాంజలి వెలువడిన తరువాత అన్ని దేశాలవారు రవీంద్రుని గ్రంథాలను చదవడం ఆరంభించారు. ఐన్‌స్టీన్‌తో ఠాగూర్ శాంతి నికేతన్: రవీంద్రుడు కేవలం రచయితగానే ఉండిపోక, బాలల హృదయాలను వికసింపచేయటానికై ప్రాచీన మునుల గురుకులాల తరహాలోనే శాంతినికేతన్‌గా ప్రసిద్ధి గాంచిన విశ్వభారతి విశ్వవిద్యాలయాన్ని స్థాపించారు. అది అయిదుగురు విద్యార్థులతో మొదలై, క్రమంగా విస్తరించింది. చిన్న పిల్లలు ఉపాధ్యాయుల ఇళ్ళల్లో భోజనం చేసేవారు. ప్రాతఃకాలానే నిద్ర లేవడం, కాలకృత్యాలు తీర్చుకొని, తమ గదులను తామే శుభ్రపరచుకొని స్నానం చేయడం, ప్రార్థన చేయటం, నియమిత వేళలలో నిద్ర పోవటం వారి దినచర్య. ఆరోగ్యం కాపాడుకోవటం, పరిశుభ్రత, సత్యాన్నే పలుకుట, కాలినడక, పెద్దలను, గురువులను గౌరవించటం వారికి నేర్పేవారు. జాతీయభావన, జనగణమణ: రవీంద్రుడు మొదటి నుండి జాతీయ భావాలున్నవారు. హిందూ మేళాలో దేశభక్తి గీతాలను పాడారు. పృథ్వీరాజు పరాజయం గురించి ప్రబోధాత్మక పద్యనాటకాన్ని రచించారు. బ్రిటీష్ ప్రభుత్వం తిలక్‌ను నిర్భంధించినపుడు రవీంద్రుడు తీవ్రంగా విమర్శించారు. బెంగాల్ విభజన ప్రతిఘటనోద్యమంలో రవీంద్రుడు ప్రముఖపాత్ర వహించారు. రాజ్యాంగ సభ కమిటీ అధ్యక్షుడు బాబూ రాజేంద్ర ప్రసాద్ 1950 జనవరి 24న రవీంద్రుడు రచించిన "జనగణమన" ను జాతీయ గీతంగా ప్రకటించారు. ఇవి కూడా చూడండి: రవీంద్రనాథ్ ఠాగూర్ || జీవితచరిత్ర ముఖ్యమైన జనరల్ నాలెడ్జి పాయింట్లు, (youtube) జవహార్‌లాల్ నెహ్రూ, మహాత్మాగాంధీ, హోం, విభాగాలు: భారతదేశ ప్రముఖులు, పశ్చిమబెంగాల్ ప్రముఖులు, భారతదేశ రచయితలు, సాహిత్య నోబెల్ బహుమతి గ్రహీతలు, నోబెల్ బహుమతి పొందిన భారతీయులు  = = = = =

Tags: About Rabindranath tagore, Biography of Ravindranath tagore,