ఎస్వీ రంగారావు (S.V.Ranga Rao)

ఎస్వీ రంగారావు (1918-1974) జననం జూలై 3, 1918 నూజివీడు జిల్లా కృష్ణా జిల్లా రంగం సినిమా నటుడు మరణం జూలై 18, 1974 కృష్ణా జిల్లా నూజివీడులో 1918, జూలై 3న జన్మించిన ఎస్వీ రంగారావు పూర్తి పేరు సామర్ల వెంకట రంగారావు. తెలుగు సినిమా రంగంలో ప్రముఖ నటుడిగా పేరుపొందిన ఎస్వీఆర్ మూడు దశాబ్దాలపాటు మూడొందల చిత్రాలకు పైగా అద్భుతంగా నటించి ఘటోత్కచుడిగా, కీచకుడిగా, రావణాసురుడిగా తనకు తానే సాటిగా ఖ్యాతి గడించారు. నట యశస్వి గా పేరు పొందిన ఈ నటుడు డిగ్రీ వరకూ అభ్యసించి, అగ్నిమాపక దళంలో ఉన్నతోద్యోగిగా పనిచేస్తూ, షేక్స్‌పియర్ ఆంగ్ల నాటకాలలో ఒథెల్లో, షైలాక్ తదితర పాత్రలు పోషించి ప్రముఖ రంగస్థల కళాకారుడిగా విశేష ఖ్యాతి గడించారు. సినీ ప్రస్థానం: వరూధిని చిత్రంలో ప్రవరాఖ్యుడిగా ఎస్వీ రంగారావు తెలుగు చలనచిత్ర రంగానికి పరిచయమయ్యారు. ఆ తర్వాత మనదేశం, పల్లెటూరి పిల్ల , షావుకారు, పాతాళభైరవి, నర్తనశాల, పాండవ వనవాసం, పెళ్ళి చేసి చూడు, బంగారుపాప, బాలనాగమ్మ, గృహలక్ష్మి, బాల భారతం, తాతా మనవడు ఇలా అనేక చిత్రాలలో విభిన్న పాత్రలు పోషించి తన అద్భుత నటనాచాతుర్యంతో సినీ ప్రేక్షకుల మదిలో చెరగని ముద్ర వేశారు. ఎస్వీయార్ నటించిన నర్తనశాల ఇండొనేషియాలోని జకార్తాలో ఆఫ్రో-ఆసియా అంతర్జాతీయ చిత్రోత్సవము‍లో ప్రదర్శనకు ఎంపిక కావడమే కాకుండా కీచకపాత్రకుగాను ఎస్వీయార్ భారతదేశం నుంచి తొలి అంతర్జాతీయ ఉత్తమ నటుడుగా బహుమతి పొందారు. ఆయన దర్శకత్వం వహించిన చదరంగం చిత్రానికి రాష్ట్ర ప్రభుత్వ బహుమతి, నగదు పారితోషికం లభించడం విశేషం. అద్భుత నటనకు ప్రతీకగా నిల్చి, సినీ విమర్శకుల చేత యస్వీ కాదు యశస్విగా ముద్రవేయించుకున్న ఎస్వీ రంగారావు 1974 జూలై 18వ తేదీన మద్రాసు లో శాశ్వతంగా కన్నుమూశారు. విభాగాలు: తెలుగు సినిమా నటులు, కృష్ణా జిల్లా నటులు, నూజివీడు మండలము, 1918లో జన్మించినవారు, 1974లో మరణించినవారు,   = = = = =