జోగు రామన్న (Jogu Ramanna)

జోగు రామన్న జననం జూలై 4, 1963 స్వస్థలం దీపాయిగూడ (ఆదిలాబాదు జిల్లా) పదవులు తెలంగాన రాష్ట్ర మంత్రి నియోజకవర్గం ఆదిలాబాదు అ/ని, జోగు రామన్న ఆదిలాబాదు జిల్లాకు చెందిన రాజకీయ నాయకుడు. 1963, జూలై 4న దీపాయిగూడ గ్రామంలో జన్మించిన జోగురామన్న 1984లో రాజకీయ ప్రవేశం చేసి గ్రామసర్పంచిగా, మండల అధ్యక్షులుగా, జడ్పీటీసిగా, శాసనసభ్యుడిగా అంచెలంచెలుగాఎదిగి, 2014 జూన్2న తెలంగాణ రాష్ట్ర తొలి మంత్రిమండలిలో స్థానం పొందారు. రాజకీయ ప్రస్థానం: జోగురామన్న 1984లో తెలుగుదేశం పార్టీ ద్వారా రాజకీయ ప్రవేశం చేశారు. 1988లో దీపాయిగూడ గ్రామసర్పంచిగా ఎన్నికై ఐదేళ్ళు కొనసాగారు. 1995లో ఎంపీటీసిగా ఎన్నికై మండల ఉపాధ్యక్షులుగా, మండలాధ్యక్షులుగా పనిచేశారు. 2001, 2006లలో జడ్పీటీసిగా ఎన్నికయ్యారు. 2004లో తెలుగుదేశం పార్టీ తరఫున ఆదిలాబాదు అసెంబ్లీ నియోజకవర్గం నుంచి పోటీచేసి ఓడిపోయారు. 2009లో ఆదిలాబాదు నుంచి శాసనసభకు ఎన్నికయ్యారు. ప్రత్యేక తెలంగాణ ఉద్యమ నేపథ్యంలో 27 సంవత్సరాల పాటు కొనసాగిన తెలుగుదేశం పార్టీకి, శాసనసభ్యత్వానికి రాజీనామా చేసి తెరాసలో చేరి ఆ పార్టీ తరఫున ఉప ఎన్నికలలో పోటీచేసి మళ్ళీ విజయం సాధించారు. 2014లో తెరాస తరఫున పోటీచేసి ఆదిలాబాదు అసెంబ్లీ నియోజకవర్గం నుంచి విజయం సాధించి కెసిఆర్ నేతృత్వంలోని తెలంగాణ రాష్ట్ర తొలి మంత్రిమండలిలో స్థానం పొందారు. విభాగాలు: ఆదిలాబాదు జిల్లా రాజకీయ నాయకులు, జైనాథ్ మండలం, 1963లో జన్మించినవారు, 13వ శాసనసభ సభ్యులు, ఆదిలాబాదు అసెంబ్లీ నియోజకవర్గం,   = = = = = సంప్రదించిన గ్రంథాలు, వెబ్‌సైట్లు: