తాటికొండ మహబూబ్ నగర్ జిల్లా భూత్పూర్ మండలమునకు చెందిన గ్రామము. ఇది పంచాయతి కేంద్రము. 2011 లెక్కల ప్రకారం గ్రామ జనాభా 4760. గ్రామంలోని వీరన్న చెరువు మండలంలోనే పెద్దది.
భౌగోళికం, సరిహద్దులు: భౌగోళికంగా ఈ గ్రామం మండలంలో పశ్చిమం వైపున అడ్డాకల్ మండలం సరిహద్దులో ఉన్నది. ఉత్తరాన ఇప్పలపల్లి, తూర్పున అన్నాసాగర్ గ్రామాలు సరిహద్దులుగా ఉండగా మిగితా అన్నివైపులా అడ్డాకల్ మండలం సరిహద్దుగా ఉన్నది. జనాభా: 2001 లెక్కల ప్రకారం గ్రామ జనాభా 4397. ఇందులో పురుషులు 2243, మహిళలు 2154. గృహాల సంఖ్య 792. అమిస్తాపూర్, భూత్పూర్ ల తర్వాత మండలంలో ఇది మూడవ అత్యధికజనాభా కల గ్రామము. 2011 గణన ప్రకారం గ్రామ జనాభా 4760. ఇందులో పురుషులు 2409, మహిళలు 2351. గృహాల సంఖ్య 940. అక్షరాస్యత శాతం 44.60%. గ్రామ కోడ్ సంఖ్య 575551. రవాణా సౌకర్యాలు: 44వ నెంబరు జాతీయ రహదారి గ్రామం సమీపం నుంచి వెళ్ళుచున్నది. జాతీయ రహదారిపై ఉన్న అన్నాసాగర్ ఈ గ్రామానికి సమీపంలో ఉన్నది. రాజకీయాలు: 2006 సర్పంచి ఎన్నికలలో మేనకాదేవి (తెలుగుదేశం పార్టీ మద్దతు) గెలుపొందినారు. 2013 జూలైలో జరిగిన గ్రామపంచాయతి ఎన్నికలలో సర్పంచిగా టి.శ్రీధర్ రెడ్డి ఎన్నికయ్యారు. విద్యాసంస్థలు: గ్రామంలో మూడు మండల పరిషత్తు ప్రాథమిక పాఠశాలలు, ఒక మండల పరిషత్తు ఉర్దూ మీడియం ప్రాథమిక పాఠశాల, ఒక జిల్లా పరిషత్తు ఉన్నత పాఠశాల కలవు. వీరన్నచెరువు: గ్రామపరిధిలో 670 ఎకరాల ఆఉఅకట్టు ఉన్న వీరన్నచెరువు ఉంది. ఇది మండలంలోనే పెద్ద చెరువు. చెరువు సమీపంలోని కోండపై వీరభద్ర ఆలయం ఉంది. ఈ చెరువు వల్ల 3 గ్రామాల పంటపొలాలకు నీరందించడమే కాకుండా మత్య్సకారులకు జీవనోపాధి కల్గిస్తోంది.
= = = = =
సంప్రదించిన గ్రంథాలు, వెబ్సైట్లు:
| |||||||||||
కామెంట్లు లేవు:
కామెంట్ను పోస్ట్ చేయండి