మరియా షరపోవా రష్యాకు చెందిన అగ్రశ్రేణి టెన్నిస్ క్రీడాకారిణి. ఈమె ఏప్రిల్ 19, 1987న సోవియట్ యూనియన్‌లోని న్యాగన్‌లో జన్మించింది. ఇప్పటి వరకు మొత్తం 5 గ్రాండ్‌స్లాం టైటిళ్ళను, ఒక ఒలింపిక్ పతకాన్ని సాధించిన షరపోవా ఆగస్టు 22, 2005న టెన్నిస్ ప్రపంచంలో నెంబర్ వన్ స్థానాన్ని ఆక్రమించింది.
క్రీడా ప్రస్థానం: 2003లో తొలిసారిగా గ్రాండ్‌స్లాంలో ఆడి వింబుల్డన్‌లో 4వ రౌండ్ వరకు వెళ్ళింది. 2004లో వింబుల్డన్ టైటిల్ సాధించగా, ఫ్రెంచ్ ఓపెన్ క్వార్టర్స్ వరకు ఆడింది. 2005లో ఎలాంటి గ్రాండ్‌స్లాం టైటిళ్ళను చేజిక్కించుకోనప్పటికీ మూడింటిలో సెమీస్ వరకు, ఒక దాంట్లో క్వార్టర్స్ వరకు ప్రవేశంచి సత్తాచూపింది. ఇదే ఏడాది ప్రపంచ నెంబర్ వన్ స్థానం పొందింది. 2006లో అమెరికన్ ఓపెన్‌లో విజయం సాధించగా, ఆస్ట్రేలియన్, వింబుల్డన్‌లలో సెమీస్ వరకు చేరింది. 2007లో ఆస్ట్రేలియన్ ఓపెన్‌లో ఫైనల్లో ఓడిపోయి 2009లో టైటిల్ సాధించింది. ఆ తర్వాత 2009, 2010, 2011లలో ఎలాంతి టైటిళ్ళలో విజయం సాధించకున్ననూ 2011లో వింబుల్డన్ ఫైనల్ వరకు వెళ్ళింది. 2012లో తొలిసారిగా ఫ్రెంచ్ ఓపెన్ టైటిల్ సాధించింది. 2013లో ఫ్రెంచ్ ఓపెన్ ఫైనల్లో ఓడిపోగా 2014లో ఫ్రెంచ్ ఓపెన్‌ను రెండోసారి చేజిక్కించుకుంది. మొత్తం 9 సార్లు గ్రాండ్‌స్లాం సింగిల్స్‌లో ప్రవేశించి 5 సార్లు టైటిళ్ళను సాధించింది.
= = = = =
| |||||||||
కామెంట్‌లు లేవు:
కామెంట్‌ను పోస్ట్ చేయండి