మహబూబ్‌నగర్ అసెంబ్లీ నియోజకవర్గం (Mahabubnagar Assembly Constituency)

మహబూబ్‌నగర్  జిల్లా లోని 14 అసెంబ్లీ నియోజకవర్గాలలో ఇది ఒకటి. 2007లో చేయబడిన నియోజకవర్గాల పునర్వ్యవస్థీకరణ ప్రకారము ఈ నియోజకవర్గంలో 2 మండలాలు కలవు. పునర్విభజనకు ముందు ఉన్న కోయిలకొండ మండలం కొత్తగా ఏర్పడిన నారాయణపేట అసెంబ్లీ నియోజకవర్గంలో కలవగా, కొత్తగా హన్వాడ మండలం ఈ నియోజకవర్గంలో భాగమైంది. పులివీరన్న, పి.చంద్రశేఖర్‌లు ఈ నియోజకవర్గం నుంచి గెలుపొంది రాష్ట్ర మంత్రివర్గంలో పదవులు నిర్వహించినారు. 2009 శాసనసభ ఎన్నికలలో ఈ నియోజకవర్గం నుంచి స్వతంత్ర అభ్యర్థిగా పోటీచేసిన ఎన్.రాజేశ్వర్ రెడ్డి విజయం సాధించగా, రాజేశ్వర్ రెడ్డి మరణంతో 2012 మార్చిలో జరిగిన ఉప-ఎన్నికలలో భారతీయ జనతా పార్టీ అభ్యర్థి యెన్నం శ్రీనివాసరెడ్డి విజయం సాధించారు. 2014లో తెరాసకు చెందిన వి.శ్రీనివాస్ గౌడ్ గెలుపొందినారు. 2018లో రెండోసారి విజయం సాధించిన శ్రీనివాస్ గౌడ్ కేసీఆర్ మంత్రివర్గంలో స్థానం పొందారు. మహబూబ్‌నగర్ నియోజకవర్గంలో హన్వాడ మండల స్థానం ఆకుపచ్చ రంగు, మహబూబ్‌నగర్ మండల స్థానం గులాబి రంగు (పటంలో పేరు తప్పు పడింది) ఈ నియోజకవర్గం పరిధిలోని మండలాలు మహబూబ్ నగర్ హన్వాడ నియోజకవర్గ భౌగోళిక సరిహద్దులు కేవలం రెండే మండలాలతో ఈ నియోజకవర్గం జిల్లాలోనే భౌగోళికంగా చిన్న నియోజకవర్గంగా మారింది. మహబూబ్ నగర్ పట్టణ జనాభా అధికంగా ఉండుటచే అధిక మండలాలు కలిసే వీలు లేకపోయింది. ఈ నియోజకవర్గానికి ఉత్తరాన రంగారెడ్డి జిల్లాకు చెందిన పరిగి అసెంబ్లీ నియోజకవర్గం ఉండగా, తూర్పున జడ్చర్ల, దక్షిణమున దేవరకద్ర, పడమర వైపున నారాయణపేట అసెంబ్లీ నియోజకవర్గాలు ఉన్నాయి. ఎన్నికైన శాసనసభ్యులు ఇంతవరకు ఈ నియోజకవర్గం నుంచి గెలుపొందిన శాసనసభ్యులు  సంవత్సరం గెలుపొందిన సభ్యుడు పార్టీ ప్రత్యర్థి ప్రత్యర్థి పార్టీ 1952 పల్లెర్ల హనుమంతరావు కాంగ్రెస్ ఎస్.రావు సోషలిస్టు 1957 ఐ.చిన్నప్ప ప్రజాపార్టీ ఎం.రామిరెడ్డి పి.ఎస్.పి 1962 ఎం.రామిరెడ్డి స్వతంత్ర అభ్యర్థి మహ్మద్ ఇబ్రహీం అలీ కాంగ్రెస్ పార్టీ 1967 ఇబ్రహీం అలీ అన్సారీ కాంగ్రెస్ పార్టీ రాజేశ్వర్ రెడ్డి భారతీయ జనసంఘ్ 1972 ఇబ్రహీం అలీ అన్సారీ కాంగ్రెస్ పార్టీ టి.రాజేశ్వర్ రెడ్డి భారతీయ జనసంఘ్ 1978 ఎం.రామిరెడ్డి ఇందిరా కాంగ్రెస్ కె.కె.రెడ్డి జనతా పార్టీ 1980 ఆంజనేయులు కాంగ్రెస్ పార్టీ ఆర్.రెడ్డి జనతా పార్టీ 1983 పి.చంద్రశేఖర్ తెలుగుదేశం పార్టీ ఎం.ఏ.షుకూర్ కాంగ్రెస్ పార్టీ 1985 పి.చంద్రశేఖర్ తెలుగుదేశం పార్టీ జి.సహదేవ్ కాంగ్రెస్ పార్టీ 1989 పులి వీరన్న కాంగ్రెస్ పార్టీ పి.చంద్రశేఖర్ తెలుగుదేశం పార్టీ 1994 పి.చంద్రశేఖర్ తెలుగుదేశం పార్టీ పులి వీరన్న కాంగ్రెస్ పార్టీ 1999 పి.చంద్రశేఖర్ తెలుగుదేశం పార్టీ పులి వీరన్న కాంగ్రెస్ పార్టీ 2004 పులి వీరన్న స్వతంత్ర అభ్యర్థి పి.చంద్రశేఖర్ తెలుగుదేశం పార్టీ 2009 ఎన్.రాజేశ్వర్ రెడ్డి స్వతంత్ర అభ్యర్థి ఇబ్రహీం తెలంగాణ రాష్ట్ర సమితి 2012 ఉప ఎన్నికలు యెన్నం శ్రీనివాసరెడ్డి భారతీయ జనతా పార్టీ ఇబ్రహీం తెలంగాణ రాష్ట్ర సమితి 2014 శ్రీనివాస్ గౌడ్ తెరాస యెన్నం శ్రీనివాసరెడ్డి భాజపా 2018 వి.శ్రీనివాస్ గౌడ్ తెరాస ఎం.చంద్రశేఖర్ కాంగ్రెస్ పార్టీ 1999 ఎన్నికలు 1999లో జరిగిన శాసనసభ ఎన్నికలలో ఈ నియోజకవర్గం నుండి తెలుగుదేశం పార్టీకి చెందిన పి.చంద్రశేఖర్ తన సమీప ప్రత్యర్థి కాంగ్రెస్ పార్టీకి చెందిన పులి వీరన్నపై 6688 ఓట్ల మెజారిటీతో విజయం సాధించాడు. చంద్రశేఖర్ 51065 ఓట్లు సాధించగా, పులివీరన్నకు 44377 ఓట్లు లభించాయి. 2004 ఎన్నికలు 2004 శాసనసభ ఎన్నికలలో మహబూబ్‌నగర్ అసెంబ్లీ నియోజకవర్గం నుంచి ఇండిపెండెంట్ అభ్యర్థి పులి వీరణ్ణ తన సమీప ప్రత్యర్థి, మాజీ మంత్రి తెలుగుదేశం పార్టీకి చెందిన పి.చంద్రశేఖర్‌పై 19282 ఓట్ల మెజారిటీతో విజయం సాధించాడు. తెలంగాణ రాష్ట్ర సమితితో పొత్తు వలన ఈ స్థానం తెరాసకు కేటాయించగా కాంగ్రెస్ పార్టీకి చెందిన మాజీ మంత్రి పులి వీరన్న రెబెల్ అభ్యర్థిగా పోటీచేసి విజయం సాధించాడు. పులి వీరణ్ణకు 63110 ఓట్లు రాగా, మాజీ మంత్రి అయిన పి.చంద్రశేఖర్‌కు 43828 ఓట్లు వచ్చాయి. మొత్తం 12 అభ్యర్థులు పోటీచేయగా టి.ఆర్.ఎస్.అభ్యర్థితో సహా 10 మంది అభ్యర్థులు డిపాజిట్ కోల్పోయారు. మొదటి రెండు స్థానాలలో ఉన్న పులివీరన్న మరియు పి.చంద్రశేఖర్‌లు పోలైన ఓట్లలో 858% ఓట్లు పొందగా మిగితా 10 అభ్యర్థులు కలిపి కేవలం 14.2% ఓట్లు పొందినారు. ఇక్కడ బహుముఖ పోటీ జరిగిననూ ప్రధాన పోటీ ఇండిపెండెంట్ అభ్యర్థి, తెలుగుదేశం అభ్యర్థుల మధ్యనే జరిగింది. 2009 ఎన్నికలు 2009 ఎన్నికలలో కాంగ్రెస్ పార్టీ తరఫున సిటింగ్ ఎమ్మెల్యే, మాజీ మంత్రి పులి వీరన్న మళ్ళీ పోటీచేయగా, భారతీయ జనతా పార్టీ తరఫున జి.పద్మజా రెడ్డి, ప్రజారాజ్యం పార్టీ తరఫున అమృత్ ప్రసాద్ గౌడ్  మరియు లోక్‌సత్తా తరఫున బెక్కరి రాంరెడ్డిలు పోటీచేశారు. పొత్తులో భాగంగా తెలుగుదేశం పార్టీ మద్దతుతో మహాకూటమి తరఫున తెలంగాణ రాష్ట్ర సమితికి చెందిన సయ్యద్ ఇబ్రహీం పోటీచేశాడు. ప్రజారాజ్యం పార్టీ టికెట్టును ఆశించి టికెట్టు లభించకపోవడంతో స్వతంత్ర అభ్యర్థిగా పోటీచేసిన ఎన్.రాజేశ్వర్ రెడ్డికి, టి.ఆర్.ఎస్.అభ్యర్థి సయ్యద్ ఇబ్రహీం, కాంగ్రెస్ అభ్యర్థి పులివీరన్నల మధ్య ప్రధానపోటీ జరుగగా ఎన్.రాజేశ్వర్ రెడ్డి తన సమీప ప్రత్యర్థి అయిన తెలంగాణ రాష్ట్ర సమితి అభ్యర్థిపై 5137 ఓట్ల మెజారిటీతో విజయం సాధించాడు. రాజేశ్వర్ రెడ్డి అక్టోబరు 30, 2011న మరణించడంతో శాసనసభ స్థానం ఖాళీ అయింది. 2012 ఉప ఎన్నికలు ఎన్.రాజేశ్వర్ రెడ్డి మరణంతో ఖాళీ అయిన స్థానంలో జరుగనున్న 2012 ఉప ఎన్నికలలో భారతీయ జనతా పార్టీ తరఫున యెన్నం శ్రీనివాసరెడ్డి, తెలంగాణ రాష్ట్ర సమితి తరఫున సయ్యద్ ఇబ్రహీం, కాంగ్రెస్ పార్టీ తరఫున ముత్యాల ప్రకాష్ పోటీచేశారు. ఉత్కంఠ భరితంగా సాగిన పోరులో భారతీయ జనతా పార్టీ అభ్యర్థి యెన్నం శ్రీనివాసరెడ్డి తన సమీప ప్రత్యర్థి తెరాసకు చెందిన ఇబ్రహీంపై 1859 ఓట్ల మెజారిటీతో విజయం సాధించాడు. కాంగ్రెస్ పార్టీ అభ్యర్థి ముత్యాల ప్రకాష్‌కు మూడవస్థానం లభించగా, నాలుగుసార్లు ఎమ్మెల్యేగా, రాష్ట్ర మంత్రిగా పనిచేసిన తెలుగుదేశం పార్టీ అభ్యర్థి పి.చంద్రశేఖర్ నాలుగోస్థానం లభించింది. 2014 ఎన్నికలు: 2014 శాసనసభ ఎన్నికలలో ఇక్కడి నుంచి తెరాస తరఫున పోటీచేసిన శ్రీనివాస్ గౌడ్ తన సమీప ప్రత్యర్థి, భాజపాకు చెందిన సిటింగ్ ఎమ్మెల్యే అయిన యెన్నం శ్రీనివాస్ రెడ్డిపై 2535 ఓట్ల ఆధిక్యతతో విజయం సాధించి తొలిసారి శాసనసభలో ప్రవేశించారు. 2018 ఎన్నికలు: 2018 శాసనసభ ఎన్నికలలో తెరాస తరఫున వి.శ్రీనివాస్ గౌడ్, భాజపా తరఫున టి.పద్మజారెడ్డి, ప్రజాకూటమి తరఫున తెలుగుదేశం పార్టీకి చెందిన ఎర్ర శేఖర్ పోటీచేశారు. తెరాసకు చెందిన వి.శ్రీనివాస్ గౌడ్ తన సమీప ప్రత్యర్థి, కాంగ్రెస్ పార్టీకి చెందిన ఎం.చంద్రశేఖర్ పై 57775 ఓట్ల మెజారిటీతో విజయం సాధించి వరసగా రెండోసారి శాసనసభలో ప్రవేశించారు. నియోజకవర్గ ప్రముఖులు: పల్లెర్ల హనుమంతరావు: 1952లో కాంగ్రెస్ పార్టీ తరఫున హైదరాబాదు శాసనసభకు, 1962, 1967లలో మెదక్ నుంచి లోకసభకు ఎన్నికయ్యారు. ఐ.చిన్నప్ప: 1957లో ప్రజాపార్టీ తరఫున ఇక్కడి నుంచి విజయం సాధించారు. ఎం.రామిరెడ్డి: 1957లో ప్రజాసోషలిస్ట్ పార్టీ తరఫున పోటిచేసి ఐ.చిన్నప్ప చేతిలో పరాజయం పొందారు. 1962లో స్వతంత్రపార్టీ తరఫున పోటీచేసి విజయం సాధించారు. 1978లో ఇందిరాకాంగ్రెస్ తరఫున మరోసారి విజయం పొందారు. ఇబ్రహీం అలీ అన్సారీ: 1967, 1972లలో కాంగ్రెస్ పార్టీ తరఫున విజయం సాధించారు. ఆంజనేయులు:1980ఉప ఎన్నికలలో కాంగ్రెస్ పార్టీ తరఫున విజయం సాధించారు. పులివీరన్న: 1989లో కాంగ్రెస్ పార్టీ తరఫున విజయం సాధించారు. 1994, 1999లలో పరాజయం పొందారు. 2004లో ఇండిపెండెంటుగా పోటీచేసి విజయం పొందగా, 2009లో కాంగ్రెస్ పార్టీ తరఫున పోటీచేసి మూడవస్థానం పొందారు. డిసెంబరు 11, 2009న మరణించారు. పి.చంద్రశేఖర్: 1983, 1985లలో తెలుగుదేశం పార్టీ తరఫున విజయం సాధించారు. 1989లో పులివీరన్న చేతిలో పరాజయం పొందగా 1994, 1999లలో మళ్ళీ విజయం సాధించారు. 2004, 2009లలో పరాజయం పొందారు. 2012 ఉప ఎన్నికలలో డిపాజిట్ లభించలేదు. 2013లో తెలుగుదేశం పార్టీకి రాజీనామాచేసి తెరాసలో చేరారు. ఎన్.రాజేశ్వర్ రెడ్డి: 2009లో ఇండిపెండెంటుగా పోటీచేసి విజయం సాధించారు. ఎమ్మెల్యేగా ఉంటూ అక్టోబరు 30, 2011న మరణించారు. యెన్నం శ్రీనివాసరెడ్డి: 2012 ఉప ఎన్నికలలో భారతీయ జనతా పార్టీ తరఫున పోటీచేసి విజయం సాధించారు. ఎస్.రావు:1952లో సోషలిస్టు పార్టీ తరఫున పోటీచేసి కాంగ్రెస్ పార్టీ అభ్యర్థి పల్లెర్ల హన్మంతరావు చేతిలో పరాజయం పొందారు. టి.రాజేశ్వర్ రెడ్డి: 1967, 1972లలో భారతీయ జనసంఘ్ పార్టీ తరఫున పోటీచేసి ఓడిపోయారు. కె.కె.రెడ్డి:1978లో జనతాపార్టీ తరఫున పోటీచేసి ఓడిపోయారు. ఎం.ఏ.షుకూర్: 1983లో కాంగ్రెస్ పార్టీ తరఫున పోటీచేసి ఓడిపోయారు. జి.సహదేవ్: 1985లో కాంగ్రెస్ పార్టీ తరఫున పోటీచేసి ఓడిపోయారు. ముత్యాల ప్రకాష్: 2012 ఉప ఎన్నికలలో కాంగ్రెస్ పార్టీ తరఫున పోటీచేసి ఓడిపోయారు. విభాగాలు: మహబూబ్‌నగర్ జిల్లా అసెంబ్లీ నియోజకవర్గాలు,  మహబూబ్‌నగర్ లోకసభ నియోజకవర్గం,  మహబూబ్‌నగర్ అసెంబ్లీ నియోజకవర్గం,  ఆంధ్రప్రదేశ్ అసెంబ్లీ నియోజకవర్గాలు,