ఎల్.వి.ప్రసాద్ (L.V.Prasad)

ఎల్.వి.ప్రసాద్ (1908-1994) జననం జనవరి 17,1908 రంగం సినీనిర్మాత, దర్శకుడు, నటుడు, అవార్డులు రఘుపతి వెంకయ్య అవార్డు (1980), దాదాసాహెబ్ ఫాల్కే అవార్డు (1982) మరణం 22 జూన్,1994 తెలుగు సినీనిర్మాతగా, దర్శకుడిగా, నటుడిగా ప్రసిద్ధి చెందిన ఎల్.వి.ప్రసాద్ పశ్చిమ గోదావరి జిల్లా సోమవరప్పాడు గ్రామంలో జనవరి 17,1908న జన్మించారు. ఎల్.వి.ప్రసాద్ గా పరిచితుడైన ఇతని పూర్తిపేరు అక్కినేని లక్ష్మీవరప్రసాదరావు. ఎల్వీ ప్రసాద్ హిందీ, తమిళ, తెలుగు, కన్నడ వంటి పలు భారతీయ భాషలలో దర్శకత్వం, నిర్మాతగా, నటుడిగా 50 చిత్రాల వరకు చేశారు. హిందీ, తమిళ, తెలుగు భాషలలో తొలి టాకీ చిత్రాలయిన ఆలం ఆరా, కాళిదాస్ మరియూ భక్తప్రహ్లాద మూడింటిలోనూ ఆయన నటించడం విశేషంగా చెప్పవచ్చు. గృహప్రవేశం సినిమాతో దర్శకత్వం ప్రారంభించారు. ఈ చిత్రంలో భానుమతి సరసన హీరోగా నటించారు. 1950లో నాగిరెడ్డి, చక్రపాణిలు స్థాపించిన "విజయా సంస్థ" నిర్మించిన తొలిచిత్రం షావుకారుకు కూడా ప్రసాద్ దర్శకత్వం వహించారు. ఇతను దర్శకత్వం వహించిన మిస్సమ్మ, గృహప్రవేశం, షావుకారు, అప్పుచేసి పప్పుకూడు, పెళ్ళిచేసి చూడు లాంటి జనాదరణ పొందాయి. 1980లో 27వ నేషనల్ ఫిలిం అవార్డుల సెలెక్షన్ కమిటీకి చైర్మెన్‌గా వ్యవహరించారు. ఆయన సినీరంగానికి చేసిన సేవలకు గాను భారత తపాలాశాఖ 2006లో ఆయన ముఖచిత్రంతో తపాలాబిళ్ళ విడుదల చేసింది. "ది క్లయింట్" లఘుచిత్రానికి 1970లో చికాగో ఫిలిం ఫెస్టివల్‌లో అవార్డు పొందారు. 1978-79లో తమిళనాడు ప్రభుత్వం నుంచి రాజాశాండో మెమోరియల్ అవార్డు, 1980లో ఆంధ్రప్రదేశ్ ప్రభుత్వం నుంచి తొలి రఘుపతి వెంకయ్య అవార్డు స్వీకరించారు. 1982లో దాదాసాహెబ్ ఫాల్కే అవార్డు పొంది ఈ ఘనత పొందిన మూడవ తెలుగు వ్యక్తిగా కీర్తి పొందారు. 22 జూన్,1994న మరణించారు. ఆయన కుమారుడు రమేష్ ప్రసాద్ తండ్రి పేరిట హైదరాబాదులో ఎల్వీ ప్రసాద్ కంటి ఆసుపత్రిని, ప్రసాద్ ఐమాక్స్ థియేటర్, స్థాపించారు. ఇవి కూడా చూడండి: రఘుపతి వెంకయ్య అవార్డు గ్రహీతలు, విభాగాలు: పశ్చిమ గోదావరి జిల్లా వ్యక్తులు, తెలుగు సినిమా నటులు, తెలుగు సినిమా దర్శకులు, తెలుగు సినిమా నిర్మాతలు, దాదాసాహెబ్ ఫాల్కే అవార్డు గ్రహీతలు, రఘుపతి వెంకయ్య అవార్డు గ్రహీతలు,  = = = = =