వడ్డె రమేష్ (Wadde ramesh)

వడ్డె రమేష్ జననం అక్టోబరు 11, 1947 రంగం సినీ నిర్మాత మరణం నవంబరు 21, 2013 వడ్డె రమేష్ అక్టోబరు 11, 1947న కృష్ణా జిల్లా ఎలమర్రులో జన్మించారు. తెలుగు, హిందీ భాషలలో ప్రముఖ నిర్మాతగా పేరు సంపాదించారు. బొబ్బిలిపులి చిత్రం ఈయనకు మంచి పేరు తెచ్చిపెట్టింది. ఈయన కుమారుడు వడ్డే నవీన్ కూడా సినీహీరోగా పేరుపొందారు. కేన్సర్ వ్యాధితో బాధపడుతూ నవంబరు 21, 2013న మరణించారు. సినీప్రస్థానం: చిత్రసీమలో అడుగు పెట్టిన రమేశ్ మొదట 'సున్హేరా సంసార్' అనే హిందీచిత్రాన్ని నిర్మించారు. తెలుగులో ఆయన నిర్మించిన తొలిచిత్రం "పాడవోయి భారతీయుడా". తరువాత అక్కినేని హీరోగా ఆత్మీయుడు నిర్మించారు. దాసరి దర్శకత్వంలో కృష్ణంరాజు హీరోగా రమేశ్ నిర్మించిన 'కటకటాల రుద్రయ్య, రంగూన్ రౌడీ' చిత్రాలు అద్భుత విజయం సాధించాయి. ఈ చిత్రాల విజయంతో తన ప్రస్థానాన్ని అప్రహతిహతంగా కొనసాగించారు. ఘట్టమనేని కృష్ణ తో "విశ్వనాథ కథానాయకుడు", చిరంజీవితో "లంకేశ్వరుడు" వంటి భారీ బడ్జెట్ చిత్రాలను తెరకెక్కించారు. నవీన్ హీరోగా నటించిన "లవ్ స్టోరీ99" చిత్రానికి వడ్డే రమేశ్ నిర్మాణ బాధ్యతలు చేపట్టారు. "కలహాల కాపురం", "తిరుగుబాటు", "దుర్గాదేవి", "ఏడుకొండల స్వామి" వంటి చిత్రాలనూ ఆయన నిర్మించారు. విభాగాలు: కృష్ణా జిల్లా ప్రముఖులు, పెదపారుపూడి మండలం, 1947లో జన్మించినవారు, 2013లో మరణించినవారు,  = = = = = సంప్రదించిన గ్రంథాలు, వెబ్‌సైట్లు: తెలుగు వికీపీడియా,