ఇల్లెందు అసెంబ్లీ నియోజకవర్గం (Illendu Assembly Constituency)

ఇల్లెందు అసెంబ్లీ నియోజకవర్గం ఖమ్మం జిల్లాలోని 10 శాసనసభ నియోజకవర్గాలలో ఒకటి. 2009 నాటి నియోజకవర్గాల పునర్విభజన ప్రకారం ఈ నియోజకవర్గంలో 4 మండలాలున్నాయి. ఈ సెగ్మెంట్ మహబూబాబాదు లోకసభ నియోజకవర్గంలో భాగంగా ఉన్నది. ఇది ఎస్టీలకు రిజర్వ్ చేయబడింది. నియోజకవర్గ పరిధిలోని మండలాలు: 2009 నియోజకవర్గాల పునర్విభజన అనంతరం ఈ నియోజకవర్గం పరిధిలో 4 మండలాలు కలవు. ఇల్లందు బయ్యారం గార్ల సింగరేణి నియోజకవర్గ చరిత్ర:ఇక్కడి నుంచి సీపీఐఎంఎల్ (న్యూ డెమొక్రసి) పార్టీ అత్యధికంగా 6 సార్లు విజయం సాధించగా అందులో 5 సార్లు ఆ పార్టి తరఫున గుమ్మడి నరసయ్య విజయం సాధించారు. 2009లో తెలుగుదేశం పార్టీ తొలిసారి విజయం సాధించగా, 2014లో కాంగ్రెస్ పార్టీ గెలుపొందినది. కాంగ్రెస్ పార్టీ తరఫున విజయం సాధించిన కోరం కనకయ్య ఆ పిదప తెరాసలో చేరారు. సంవత్సరం గెలుపొందిన సభ్యుడు పార్టీ ప్రత్యర్థి ప్రత్యర్థి పార్టీ 1999 గుమ్మడి నరసయ్య న్యూడెమొక్రసి 2004 గుమ్మడి నరసయ్య ఇండిపెండెంట్ 2009 ఊకె అబ్బయ్య తెలుగుదేశం పార్టీ గుమ్మడి నరసయ్య సీపిఐఎంఎల్ 2014 కోరం కనకయ్య కాంగ్రెస్ పార్టీ హరిప్రియ తెలుగుదేశం పార్టీ 2018 హరిప్రియ కాంగ్రెస్ పార్టీ కోరం కనకయ్య తెరాస 2009 ఎన్నికలు: 2009 శాసనసభ ఎన్నికలలో ఈ నియోజకవర్గం నుంచి తెలుగుదేశం పార్టీ అభ్యర్థి ఊకె అబ్బయ్య తన సమీప ప్రత్యర్థి, సీపీఐఎంఎల్ అభ్యర్థి, సిటింగ్ ఎమ్మెల్యే అయిన గుమ్మడి నరసయ్యపై 2946 ఓట్ల మెజారిటితో విజయం సాధించారు. 2014 ఎన్నికలు: 2014 ఎన్నికలలో ఇక్కడి నుంచి కాంగ్రెస్ పార్టీకి చెందిన కోరం కనకయ్య తన సమీప ప్రత్యర్థి, తెలుగుదేశం పార్టీకి చెందిన హరిప్రియపై 11507 ఓట్ల ఆధిక్యతతో విజయం సాధించి తొలిసారి శాసనసభలో ప్రవేశించారు. 2014, సెప్టెంబరు 1న కోరం కనకయ్య తెరాసలో చేరారు. 2018 ఎన్నికలు: 2018 ఎన్నికలలో తెరాస తరఫున కోరం కనకయ్య, భాజపా తరఫున మోకాళ్ల నాగస్రవంతి, ప్రజాకూటమి తరఫున కాంగ్రెస్ పార్టీకి చెందిన బానోర్ హరిప్రియనాయక్ పోటీచేశారు. కాంగ్రెస్ పార్టీకి చెందిన హరిప్రియ బానోత్ తన సమీప ప్రత్యర్థి, తెరాసకు చెందిన కోరం కనకయ్య పై 2887 ఓట్ల మెజారిటీతో విజయం సాధించారు. విభాగాలు: ఖమ్మం జిల్లా నియోజకవర్గాలు, మహబూబాబాదు లోకసభ నియోజకవర్గం, ఇల్లెందు అసెంబ్లీ నియోజకవర్గం,    = = = = =