చెలికాని రామారావు (Chelikani Venkata Rama Rao)

చెలికాని రామారావు జననం జూలై 15, 1901 స్వస్థలం కాకినాడ రంగం జాతీయోద్యమం, రాజకీయాలు, నియోజకవర్గం కాకినాడ లో/ని, మరణం సెప్టెంబరు 25, 1985 చెలికాని వెంకట రామారావు జూలై 15, 1901న నారాయణస్వామి, సూరమ్మ దంపతులకు జన్మించారు. 1921లోనే చదువుకు స్వస్తి చెప్పి జాతీయ ఉద్యమంలో చేరారు. 1922లో రాజమండ్రిలో మొదటిసారి జైలు శిక్షను అనుభవించారు. 1924లో కాకినాడలో జరిగిన అఖిల భారత కాంగ్రేసు మహాసభలో వాలంటరీ కమాండర్ గా పనిచేసారు. 1926-30 నిజాం సంస్థానంలో చదువుతున్నప్పుడు, అక్కడి సంస్కరణోద్యమాలతో సంబంధాలు ఏర్పడ్డాయి. 1930లో ఉప్పు సత్యాగ్రహంలో పాల్గొన్నారు. 1931లో డాక్టరు డిగ్రీ పట్టా పొందారు. కాకినాడలో వైద్యవృత్తిని నిర్వహించారు. 1935 లో జిల్లా హరిజన సంఘ అద్యక్షులుగా వ్యవహరించారు. ఈయన డాక్టరుగా 1937 నుండి రంగూన్‌లో ఉన్నారు. 1948-1952లలో ప్రివెంటివ్ డిటెన్షన్ చట్టము ప్రకారం అరెస్టు కాబడి, కడలూరు జైలులో శిక్ష అనుభవించారు. రామారావు 84 సంవత్సరాల నిండైన సార్థక జీవితాన్ని గడిపి సెప్టెంబరు 25, 1985న మరణించారు. రాజకీయ ప్రస్థానం: 1952లో కాకినాడ నియోజకవర్గం సభ్యునిగా తొలి లోకసభకు సి.పి.ఐ (కమ్యూనిష్టు పార్టీ ఆఫ్ ఇండియా) అభ్యర్ధిగా ఎన్నికైనారు. 1957, 1962లలో తిరిగి కాకినాడ నియోజకవర్గము నుండి సి.పి.ఐ అభ్యర్ధిగా లోక్‌సభకు పోటీచేసినా గెలుపొందలేదు. విభాగాలు: తూర్పు గోదావరి జిల్లా రాజకీయ నాయకులు, కాకినాడ లోకసభ నియోజకవర్గం, 1వ లోకసభ సభ్యులు, 1901లో జన్మించినవారు, 1985లో మరణించినవారు,  = = = = = సంప్రదించిన గ్రంథాలు, వెబ్‌సైట్లు: తెలుగు వికీపీడియా, ఆంగ్ల వికీపీడియా, లోకసభ వెబ్‌సైట్,