బోయినపల్లి వెంకట రామారావు (Boyinapalli Venkata Rama Rao)

బోయినపల్లి వెంకట రామారావు జననం సెప్టెంబరు 2, 1920 స్వస్థలం తోటపల్లి (కరీంనగర్ జిల్లా) రంగం సమరయోధుడు మరణం అక్టోబరు 27, 2014 బోయినపల్లి వెంకట రామారావు కరీంనగర్ జిల్లాకు చెందిన ప్రముఖ సమరయోధుడు. ఇతను సెప్టెంబరు 2, 1920న తోటపల్లి గ్రామంలో జన్మించారు. చిన్న వయస్సులోనే సమరయోధుడిగా పేరుపొందారు. 1942లో క్విట్ ఇండియా ఉద్యమంలో కూడా చురుకుగా పాల్గొన్నారు. ఆర్యసమాజ్ ప్రభావంతో మతఛాందసవాదులతో, 1947-48లో రజాకార్లకు వ్యతిరేకంగానూ పోరాడారు. 12 మాసాల కారాగారశిక్ష పొంది హైదరాబాదు విమోచన అనంతరం విడుదలైనారు. ఆ తర్వాత కరీంనగర్ జిల్లా గ్రంథాలయ సంస్థ చైర్మెన్‌గా పనిచేశారు. అప్పటి ప్రధానమంత్రి ఇందిరాగాంధీ చేతులమీదుగా సమరయోధులకు ప్రధానం చేసే తామ్రపత్రాన్ని అందుకున్నారు. తోటపల్లి గాంధీగా, కరీంనగర్ గాంధీగా మన్నలలందుకున్న వెంకటరామారావు అక్టోబరు 27, 2014న మరణించారు. విభాగాలు: కరీంనగర్ జిల్లా సమరయోధులు, 1920లో జన్మించినవారు, 2014లో మరణించినవారు,  = = = = =