కృష్ణకాంత్ (Krishna Kanth)

కృష్ణకాంత్ జననం ఫిబ్రవరి 28, 1927 రంగం సమరయోధుడు, రాజకీయాలు, పదవులు ఉప రాష్ట్రపతి, ఆంధ్రప్రదేశ్ గవర్నరు, మరణం జూలై 27, 2002 భారతదేశ ఉప రాష్ట్రపతిగా పనిచేసిన కృష్ణకాంత్ ఫిబ్రవరి 28, 1927న జన్మించారు. చిన్నవయస్సులోనే స్వాతంత్ర్యోద్యమంలో పాల్గొని ఆ తర్వాత రాజకీయాలలో ప్రవేశించారు. ఉమ్మడి ఆంధ్రప్రదేశ్, తమిళనాడు రాష్ట్రాల గవర్నరుగా, భారతదేశ ఉపరాష్ట్రపతిగా పనిచేసి జూలై 27, 2002న మరణించారు. రాజకీయ ప్రస్థానం: కృష్ణకాంత్ రాజకీయ జీవితం లాహోర్ లో విద్యార్థిదశలో ఉన్నప్పుడే క్విట్ ఇండియా ఉద్యమంతో మొదలైంది. ఇందిరాగాంధీ హయాంలో భారత జాతీయ కాంగ్రెస్ లో ప్రవేశించారు. అత్యవసర పరిస్థితిని ఎదిరించినందుకు 1975లో భారత జాతీయ కాంగ్రెసు నుండి బహిష్కరించబడ్డారు. తర్వాత జనతాపార్టీ తరఫున 1980 సంవత్సరం వరకు లోకసభ సభ్యునిగా పనిచేశారు. జనతాదళ్‌లో ఉంటూ వీ.పి.సింగ్ ప్రభుత్వంచే 1990లో ఆంధ్రప్రదేశ్ గవర్నరుగా నియమించబడి 1997 వరకు పనిచేశారు. 1996-97 కాలంలో తమిళనాడు గవర్నగా అదనపు బాధ్యతలు కూడా చేపపట్టారు. 1997లో  భారతదేశ 10వ ఉప రాష్ట్రపతిగా ఎన్నికై 2002 జూలై 27న మరణించే వరకు ఆ పదవిని నిర్వహించారు. బంధుత్వం: కృష్ణకాంత్ తండ్రి లాలా అచింత్ రాం స్వాతంత్ర్య సమరయోధుడు మరియు భారత జాతీయ కాంగ్రెస్ నాయకుడు. తల్లి సత్యవతిదేవి కూడా స్వాతంత్ర్య సమర యోధురాలు. విభాగాలు: భారతదేశ ఉప రాష్ట్రపతులు, ఆంధ్రప్రదేశ్ గవర్నర్లు, తమిళనాడు గవర్నర్లు, 1927లో జన్మించినవారు, 2002లో మరణించినవారు, 6వ లోకసభ సభ్యులు,  = = = = =