అచ్చంపేట అసెంబ్లీ నియోజకవర్గం (Achampet Assembly Constituency)

మహబూబ్ నగర్ జిల్లా లోని 14 అసెంబ్లీ నియోజకవర్గాలలో అచ్చంపేట అసెంబ్లీ నియోజకవర్గం ఒకటి. 2007లో చేయబడిన నియోజకవర్గాల పునర్వ్యవస్థీకరణ ప్రకారము ఈ నియోజకవర్గంలోని మండలాల సంఖ్య 8 నుంచి 6కు తగ్గింది. ఈ నియోజకవర్గం ఎస్సీలకు రిజర్వ్ చేయబడినది. పునర్విభజన ఫలితంగా గతంలో ఈ నియోజకవర్గంలో ఉన్న కల్వకుర్తి మండలంలోని 14 గ్రామాలు కల్వకుర్తి నియోజకవర్గానికి తరలించగా, వంగూరు మండలం పూర్తి స్థాయిలో ఈ నియోజకవర్గంలో కలిసింది. 1962 నుంచి ఇప్పటివరకు నియోజకవర్గానికి జరిగిన 12 ఎన్నికలలో 6 సార్లు కాంగ్రెస్ పార్టీ, 5 సార్లు తెలుగుదేశం పార్టీ విజయం సాధించగా, ఒకసారి తెరాస గెలుపొందినది. 1982లో తెలుగుదేశం పార్టీ ఆవిర్భవించినప్పటి నుంచి పరిశీలిస్తే 1983 నుంచి జరిగిన 8 ఎన్నికలలో తెదేపా 5 సార్లు విజయం సాధించింది. పి.రాములు సార్లు ఇక్కడి నుంచి 3 సార్లు గెలుపొందినారు. పి.మహేంద్రనాథ్ ఈ నియోజకవర్గం నుంచి అత్యధికంగా 4 సార్లు విజయం సాధించారు (2 సార్లు కాంగ్రెస్ తరఫున మరో 2 సార్లు తెదేపా తరఫున). (అచ్చంపేట శాసనసభ నియోజకవర్గం) (చిత్రం: తెవికీ సౌజన్యంతో - సభ్యుడు దేవా) ఈ నియోజకవర్గం పరిధిలోని మండలాలు అచ్చంపేట ఉప్పునూతల బల్మూర్ లింగాల అమ్రాబాద్ వంగూరు ఎన్నికైన శాసనసభ్యులు సంవత్సరం గెలుపొందిన సభ్యుడు పార్టీ ప్రత్యర్థి ప్రత్యర్థి పార్టీ 1962 కె.నాగన్న కాంగ్రెస్ పార్టీ ఎస్.అచ్చాలు సి.పి.ఎం 1967 పి.మహేంద్రనాథ్ కాంగ్రెస్ పార్టీ వై.సైదయ్య సి.పి.ఎం. 1972 పి.మహేంద్రనాథ్ కాంగ్రెస్ పార్టీ పి.రాధాకృష్ణ స్వతంత్ర అభ్యర్థి 1978 ఆర్.ఎం.మనోహర్ ఇందిరా కాంగ్రెస్ పి.రాధాకృష్ణ జనతా పార్టీ 1983 పి.మహేంద్రనాథ్ తెలుగుదేశం పార్టీ డి.కిరణ్ కుమార్ కాంగ్రెస్ పార్టీ 1985 పి.మహేంద్రనాథ్ తెలుగుదేశం పార్టీ జయంతి కాంగ్రెస్ పార్టీ 1989 డి.కిరణ్ కుమార్ కాంగ్రెస్ పార్టీ పి.మహేంద్రనాథ్ తెలుగుదేశం 1994 పి.రాములు తెలుగుదేశం పార్టీ డి.కిరణ్ కుమార్ కాంగ్రెస్ పార్టీ 1999 పి.రాములు తెలుగుదేశం వంశీకృష్ణ కాంగ్రెస్ పార్టీ 2004 వంశీకృష్ణ కాంగ్రెస్ పార్టీ పి.రాములు తెలుగుదేశం పార్టీ 2009 పి.రాములు తెలుగుదేశం పార్టీ వంశీకృష్ణ కాంగ్రెస్ పార్టీ 2014 గువ్వల బాలరాజు తెరాస వంశీకృష్ణ కాంగ్రెస్ పార్టీ 2018 గువ్వల బాల్‌రాజ్ తెరాస సి.వంశీకృష్ణ కాంగ్రెస్ పార్టీ 1983 ఎన్నికలు 1983 ఎన్నికలలో తెలుగుదేశం అభ్యర్థి పుట్తపాగా మహేంద్రనాథ్ తన సమీప ప్రత్యర్థి కాంగ్రెస్ పార్టీకి చెందిన డి.కిరణ్ కుమార్‌పై 10,000కు పైగా ఓట్ల మెజారిటీతో గెలుపొందినారు. మహేంద్రనాథ్‌కు 36,666 ఓట్లు రాగా, కిరణ్ కుమార్‌కు 26,344 ఓట్లు లభించాయి. 1999 ఎన్నికలు 1999 శాసనసభ ఎన్నికలలో ఈ నియోజకవర్గం నుండి తెలుగుదేశం పార్టీ అభ్యర్థి పి.రాములు తన సమీప ప్రత్యర్థి కాంగ్రెస్ పార్టీ అభ్యర్థి అయిన సి.వంశీకృష్ణపై 12346 ఓట్ల ఆధిక్యతతో గెలుపొందినారు. పి.రాములు 60878 ఓట్లు సాధించగా, వంశీకృష్ణ 48532 ఓట్లు పొందినారు. మొత్తం ఐదుగురు అభ్యర్థులు పోటీచేయగా ప్రధాన పోటీ వీరిద్దరి మధ్యనే కొనసాగింది. బరిలో ఉన్న మిగితా ముగ్గురు అభ్యర్థులు డిపాజిట్టు కోల్పోయారు. 2004 ఎన్నికలు 2004లో జరిగిన శాసనసభ ఎన్నికలలో అచ్చంపేట అసెంబ్లీ నియోజకవర్గం నుంచి కాంగ్రెస్ పార్టీకి చెందిన అభ్యర్థి వంశీకృష్ణ తన సమీప ప్రత్యర్థి తెలుగుదేశం పార్టీ అభ్యర్థి అయిన పోతుగంటి రాములుపై 20665 ఓట్ల మెజారిటీతో గెలుపొందినారు. వంశీకృష్ణకు 65712 ఓట్లు రాగా, రాములు 45047 ఓట్లు సాధించారు. 2009 ఎన్నికలు 2009 ఎన్నికలలో ఈ నియోజకవర్గం నుండి కాంగ్రెస్ పార్టీ తరఫున సిటింగ్ ఎమ్మెల్యే వంశీకృష్ణ మళ్ళీ పోటీ చేయగా, తెలుగుదేశం పార్టీ తరఫున పి.రాములు. ప్రజారాజ్యం పార్టీ నుండి పి.మునీంద్రనాథ్, లోక్‌సత్తా పార్టీ తరఫున జి.వెంకటేశ్వర్లు పోటీ చేశారు. తెలుగుదేశం పార్టీ అభ్యర్థి పి.రాములు తన సమీప ప్రత్యర్థి కాంగ్రెస్ పార్టీ అభ్యర్థి వంశీకృష్ణపై 4800కు పైగా ఓట్ల మెజారిటీతో గెలుపొందినాడు. 2014 ఎన్నికలు: 2014 ఎన్నికలలో ఇక్కడి నుంచి తెరాస తరఫున పోటీచేసిన గువ్వల బాల్‌రాజ్ తన సమీప ప్రత్యర్థి, కాంహ్రెస్ పార్టీకి చెందిన వంశీకృష్ణపై 11820 ఓట్ల ఆధిక్యతతో విజయం సాధించి తొలిసారి శాసనసభలో ప్రవేశించారు. 2018 ఎన్నికలు: 2018 ఎన్నికలలో తెరాస తరఫున గువ్వల బాలరాజ్, భాజపా తరఫుమ మల్లేశ్వర్ మేదిపూర్, ప్రజాకూటమి తరఫున కాంగ్రెస్ పార్టీకి చెందిన సీహెచ్ వంశీకృష్ణ చేశారు.తెరాసకు చెందిన గువ్వల బాలరాజ్ సమీప ప్రత్యర్థి, కాంగ్రెస్ పార్టీకి చెందిన చిక్కడు వంశీకృష్ణపౌ 9,114 ఓట్ల మెజారిటీతో విజయం సాధించారు. విభాగాలు: మహబూబ్‌నగర్ జిల్లా అసెంబ్లీ నియోజకవర్గాలు,  నాగర్‌కర్నూల్ లోకసభ నియోజకవర్గం,  అచ్చంపేట అసెంబ్లీ నియోజకవర్గం,  ఆంధ్రప్రదేశ్ అసెంబ్లీ నియోజకవర్గాలు,