గడియారం రామకృష్ణ శర్మ (Gadiyaram Ramakrishna Sharma)

జననం మార్చి 6, 1919 రంగం సాహితీవేత్త, చరిత్ర పరిశోధకుడు, అవార్డులు కేంద్ర సాహిత్య అకాడమీ అవార్డు (2007) మరణం జూలై 25, 2006 జోగులాంబ గద్వాల జిల్లాకు చెందిన సాహితీవేత్తలలో గడియారం రామకృష్ణ శర్మ ప్రముఖులు. ఇతను 1919, మార్చి 6న అనంతపురంలో జన్మిచారు. మహబూబ్ నగర్ జిల్లా ఆలంపూర్ లో స్థిరపడి రచయితగా మంచి పేరు సంపాదించినారు. ఆలంపూర్‌కు సంబంధించిన చరిత్రను తెలిపే పలు పుస్తకాలు ఇతని చేతి నుంచి వెలువడినాయి. మాధవిద్యారణ్య అనే పుస్తకం ఇతను రచించిన పుస్తకాలన్నింటిలో ప్రామాణికమైనది. రామకృష్ణ శర్మ సాహితీ సేవలకు గుర్తింపుగా 2007 కేంద్ర సాహిత్య అకాడమీ అవార్డు (తెలుగు భాషలో) మరణానంతరం ప్రకటించారు. ఇతను సాహితీవేత్తగానే కాకుండా ప్రముఖ స్వాతంత్ర్య సమరయోధుడుగానూ సుప్రసిద్ధులు. స్వాతంత్ర సమరంలో చురుగ్గా పాల్గొన్నారు. రామకృష్ణ శర్మ సంఘ సంస్కరణ అభిలాషి మరియు రంగస్థల నటుడు కూడా. 1942లో ఆలంపూర్ లో శ్రీరామకృష్ణ స్మారక గ్రంథాలయాన్ని, 1946లో చెన్నిపాడులో యువజన గ్రంథాలయాన్ని స్థాపించారు. ఆంధ్ర సారస్వత పరిషత్తు సప్తమ మహాసభలను ఆలంపూర్ లో ఘనంగా నిర్వహించారు. 2006, జూలై 25న గడియారం రామకృష్ణ శర్మ మరణించారు. ప్రముఖ రచనలు శతపత్రము (ఆత్మకథ) వినయాదిత్యుని పల్లెపాడు, తామ్రశాసనాలు, మనవాస్తు సంపద, రన్నని గధా యుద్ధం నాటకం, కన్నడ భారతి పుస్తకం, తెలంగాణా సంచిక మొదలైనవి. విభాగాలు: జోగులాంబ గద్వాల జిల్లా రచయితలు,  పాలమూరు జిల్లా సమరయోధులు,   ఆలంపూర్ మండలము,   = = = = = సంప్రదించిన పుస్తకాలు, వెబ్ సైట్లు: పాలమూరు ఆధునిక యుగకవుల చరిత్ర, మహబూబ్‌నగర్ విజ్ఞానసర్వస్వము (బీఎన్ శాస్త్రి), తెలంగాణ సాహితీకారులు,

Gadiyaram Ramakrishna Sharma in telugu, telugu sahitikarulu, telugu literature, telugu sahityam,