మానోపాడు మండలము (Manopad Mandal)

జిల్లా జోగులాంబ గద్వాల జిల్లా రెవెన్యూ డివిజన్ గద్వాల జనాభా 46022 (2001) 51410 (2011) అసెంబ్లీ నియోజకవర్గం ఆలంపూర్ లోకసభ నియోజకవర్గం నాగర్ కర్నూల్ పర్యాటక ప్రాంతాలు ముఖ్య పంటలు వరి మండల ప్రముఖులు సురవరం ప్రతాపరెడ్డి, మానవపాడు జోగులాంబ గద్వాల జిల్లాకు చెందిన మండలము. ఈ మండలము జిల్లాలో దక్షిణ భాగంలో కృష్ణా, తుంగభద్ర నదుల మధ్య తుంగభద్ర తీరాన ఉంది. 44వ నెంబరు జాతీయ రహదారి, సికింద్రాబాదు నుంచి డోన్ వెళ్ళు రైలుమార్గం మండల గుండా వెళ్ళుచున్నాయి. స్వాతంత్ర్య సమరయోధుడు, తెలంగాణ వైతాళికుడిగా పేరుపొందిన సురవరం ప్రతాపరెడ్డి, సీపీఐ జాతీయ కార్యదర్శిగా నియమితులైన సురవరం సుధాకరరెడ్డి, నిజాం పోరాటయోధుడు పాగపుల్లారెడ్డి, మాజీ మంత్రి చల్లా రాంభూపాల్ రెడ్డి, కవి కేశవపంతుల నరసింహశాస్త్రి, రచయిత ఎస్.ఎం.హుస్సేన్ ఈ మండలానికి చెందినవారే. ఈ మండలము గద్వాల రెవెన్యూ డివిజన్, ఆలంపూర్ అసెంబ్లీ నియోజకవర్గం, నాగర్ కర్నూల్ లోకసభ నియోజకవర్గంలో భాగముగా ఉన్నది. 2011 లెక్కల ప్రకారం మండల జనాభా 51410. మండల సరిహద్దులు: మానవపాడు మండలమునకు తూర్పున ఆలంపూర్ మండలం, పశ్చిమాన ఇటిక్యాల, వడ్డేపల్లి మండలాలు, దక్షిణమున తుంగభద్ర నది, ఉత్తరమున కృష్ణానది సరిహద్దులుగా ఉన్నాయి. దక్షిణమున తుంగభద్రనది ఆవల కర్నూలు జిల్లా సరిహద్దుగా ఉంది. ఉత్తరమున కృష్ణానది అవతల పెబ్బేరు మండలం ఉంది. జనాభా: 2001 లెక్కల ప్రకారం మానవపాడు మండల జనాభా 46022. ఇందులో పురుషులు 23,335 మరియు మహిళలు 22,687. ఎస్సీల సంఖ్య 1886, ఎస్టీల సంఖ్య 180. అక్ష్యరాస్యులు 18,795. మండలం మొత్తం గ్రామీణ ప్రాంతంలోకే వస్తుంది. 2001 ప్రకారం మండలంలో 5వేల జనాభా పైబడి ఉన్న గ్రామము 2, 2 నుంచి 5వేల జనాభా ఉన గ్రామము 7 ఉన్నాయి. 2011 లెక్కల ప్రకారం మండల జనాభా 51410. ఇందులో పురుషులు 26119, మహిళలు 25291. జనాభాలో ఇది జిల్లాలో 45వ స్థానంలో ఉంది. రవాణా సౌకర్యాలు: దేశంలోనే పొడవైన 44వ నెంబరు జాతీయ రహదారి మండలం గుండా వెళ్ళుచున్నది. ఆలంపూర్ చౌరస్తా జాతీయ రహదారిపై జిల్లాలోనే ప్రముఖ కూడలి. ఆలంపూర్ వెళ్ళుటకు, కర్ణాటక నుంచి రాయచూర్ వెళ్ళుటకు ఈ కూడలి ప్రధానమైనది. సికింద్రాబాదు నుంచి డోన్ వెళ్ళు రైల్వేలైన్ మండలం గుండా పోవుచున్నది.  మానోపాడ్, జోగులాంబ హాల్ట్, ఆలంపూర్ రోడ్ రైల్వేస్టేషన్లు ఈ మండలంలోనే ఉన్నాయి. ఆలంపూర్ క్షేత్రానికి వెళ్ళే రహదారి మరియు అయిజా మీదుగా రాయచూర్ వెళ్ళు రహదారి ఈ కూడలి నుంచే ప్రారంభమౌతాయి. ఆలంపూర్ నియోజకవర్గంలో మానోపాడ్ మండల స్థానం (ఆకుపచ్చ రంగు) రాజకీయాలు: ఈ మండలము ఆలంపూర్ అసెంబ్లీ నియోజకవర్గం, నాగర్‌కర్నూల్ లోకసభ నియోజకవర్గంలో భాగము. 2006 జడ్పీటీసి ఎన్నికలలో కాంగ్రెస్ పార్టీకి చెందిన ప్రశాంతి ఎన్నికయ్యారు.2014లో మానోపాడు ఎంపీపీగా కాంగ్రెస్ పార్టీకి చెందిన జయమ్మ ఎన్నికయ్యారు. విద్యాసంస్థలు: 2008-09 నాటికి మండలంలో 19 ప్రాథమిక పాఠశాలలు (18 మండల పరిషత్తు, 1 ప్రైవేట్), 15 ప్రాథమికోన్నత పాఠశాలలు (13 మండల పరిషత్తు, 2 ప్రైవేట్), 6 ఉన్నత పాఠశాలలు (5 జడ్పీ, 1 ప్రైవేట్), ఒక ప్రభుత్వ జూనియర్ కళాశాల ఉన్నది. వ్యవసాయం, నీటిపారుదల: మండలం మొత్తం విస్తీర్ణం 27400 హెక్టార్లలో 61% భూమి వ్యవసాయ యోగ్యంగా ఉన్నది. మండలంలో పండించే ప్రధాన పంట వరి. మొక్కజొన్న, కందులు, ప్రత్తి కూడా పండిస్తారు. మండల సాధారణ వర్షపాతం 483 మిమీ. మండలంలో సుమారు 3600 హెక్టార్లకు నీటిపారుదల సౌకర్యం ఉంది. మానోపాడు మండలంలోని గ్రామపంచాయతీలు 1.అమరవాయి 9.గోకులపాడు 17.పుల్లూరు 2.ఇటిక్యాలపాడు 10.చంద్రశేఖర్ నగర్ 18.పెద్ద ఆముదాలపాడు 3.ఉండవెల్లి 11.చిన్న ఆముదాలపాడు 19.పెద్దపోతులపాడు 4.ఏబూడిదపాడు 12.చిన్నపోతులపాడు 20.బొంకూరు 5.కంచిపాడు 13.చెన్నిపాడు 21.బోరవెల్లి 6.కలుకుంట్ల 14.జల్లాపూర్ 22.మద్దూరు 7.కలుగట్ల 15.నారాయణపూర్ 23.మానోపాడు 8.కొరివిపాడు 16.పల్లెపాడు 24.మినిపాడు విభాగాలు: జోగులాంబ గద్వాల జిల్లా మండలాలు,  మానోపాడు మండలము, గద్వాల రెవెన్యూ డివిజన్, ఆలంపూర్ అసెంబ్లీ నియోజకవర్గం,  = = = = = సంప్రదించిన పుస్తకాలు, వెబ్‌సైట్లు: Handbook of Statistics, Mahabubnagar Dist, 2008, Handbook of Census Statistics, Mahabubnagar Dist, 2001, Census of India 2011, Provistional Population Totals, Part 2, Volume 2 of 2011. మహబూబ్‌నగర్ జిల్లా సర్వస్వము (రచన- బి.ఎన్.శాస్త్రి), పాలమూరు ఆధునిక యుగ కవుల చరిత్ర (రచన- ఆచార్య ఎస్వీ రామారావు), బ్లాగు రచయిత సందర్శించి తెలుసుకున్న, సేకరించిన సమాచారం,