వడ్డేపల్లి మండలము (Waddepally Mandal)

జిల్లా జోగులాంబ గద్వాల జిల్లా రెవెన్యూ డివిజన్ గద్వాల జనాభా 41224 (2001) 69510 (2011) అసెంబ్లీ నియోజకవర్గం ఆలంపూర్ లోకసభ నియోజకవర్గం నాగర్‌కర్నూల్ పర్యాటక ప్రాంతాలు ఆలంపూర్ ముఖ్య పంటలు వరి మండల ప్రముఖులు వడ్డేపల్లి జోగులాంబ గద్వాల జిల్లాకు చెందిన మండలము. గద్వాల రెవెన్యూ డివిజన్, ఆలంపూర్ అసెంబ్లీ నియోజకవర్గం, నాగర్‌కర్నూల్ లోకసభ నియోజకవర్గంలో భాగంగా ఉంది. ఇది జిల్లా దక్షిణ సరిహద్దులో తుంగభద్ర నది తీరాన ఉంది. మండలంలో 20 రెవెన్యూ గ్రామాలు 19 గ్రామపంచాయతీలు ఉన్నాయి. ఇది జిల్లాలో దక్షినసరిహద్దులో తుంగభద్రానది తీరాన ఉన్నది. వడ్డేపల్లి మరియు రాజోలి మండలంలోని మేజర్ గ్రామపంచాయతీలు. తుంగభద్ర నది తీరాన ఉన్న రాజోలి చేనేత పరిశ్రమకు ప్రసిద్ధి. ఇక్కడ రాజుల కాలం నాటి కోట, ప్రాచీనమైన వైకుంఠనారాయణస్వామి ఆలయం ఉన్నాయి. మే 11, 2019న ఈ గ్రామానికి చెందిన 15 మంది కర్నూలు జిల్లా వెల్దుర్తి సమీపంలో జాతీయ రహదారిపై రోడ్డు ప్రమాదంలో మరణించారు. సరిహద్దులు: వడ్డేపల్లి మండలానికి దక్షిణమున తుంగభద్రనది దానికి ఆవల కర్నూలు జిల్లా, తూర్పున మానవపాడు మండలం, పశ్చిమాన అయిజ మండలం, ఉత్తరాన ఇటిక్యాల మండలం సరిహద్దుగా ఉన్నాయి. జనాభా: 2001 లెక్కల ప్రకారం మండల జనాభా 41224. ఇందులో పురుషులు 20972, మహిళలు 20252. ఎస్సీల సంఖ్య 9020 మరియు ఎస్టీల సంఖ్య 192. 2011 లెక్కల ప్రకారం మండల జనాభా 69510. ఇందులో పురుషులు 35318, మహిళలు 34192. జనాభాలో ఇది జిల్లాలో 13వ స్థానంలో ఉంది. రవాణా సౌకర్యాలు: కర్నూలు నుంచి రాయచూర్ (వయా ఆలంపూర్ చౌరస్తా, అయిజా) రహదారి మండలం నుంచి వెళ్ళుచున్నది. వడ్డేపల్లి నుంచి రాజోలి మీదుగా సుంకేశుల డ్యాంపై నుంచి కూడా కర్నూలుకు రహదారి ఉంది. చరిత్ర: మండలంలోని రాజోలి ప్రాంతం చరిత్రలో పేరుగాంచినది. తుంగభద్ర ఒడ్డున ఉన్న రాజోలిలో రాజులు నిర్మించిన కోటగూడలు, ప్రాచీన ఆలయాలున్నాయి. ఆలంపూర్ నియోజకవర్గంలో వడ్డేపల్లి మండల స్థానం (పసుపు రంగు) రాజకీయాలు: వడ్డేపల్లి మండలము ఆలంపూర్ అసెంబ్లీ నియోజకవర్గం, నాగర్‌కర్నూలు లోకసభ నియోజకవర్గం పరిధిలోకి వస్తుంది. 2006 జడ్పీటీసి ఎన్నికలలో తెలుగుదేశం పార్టీకి చెందిన ఎన్.శ్రీనివాసులు ఎన్నికయ్యారు. 2014లో వడ్డేపల్లి ఎంపీపీగా తెలుగుదేశం పార్టీకి చెందిన సుజాత ఎన్నికయ్యారు. విద్యాసంస్థలు: 2008-09 నాటికి మండలంలో 28 ప్రాథమిక పాఠశాలలు (27 మండల పరిషత్తు, 1 ప్రైవేట్), 16 ప్రాథమికోన్నత పాఠశాలలు (12 మండల పరిషత్తు, 4 ప్రైవేట్), 13 ఉన్నత పాఠశాలలు (1 ప్రభుత్వ, 8 జడ్పీ, 8 ప్రైవేట్ ఎయిడెడ్, 3 ప్రైవేట్ అన్-ఎయిడెడ్), ఒక ప్రైవేట్ జూనియర్ కళాశాల ఉన్నది. వ్యవసాయం, నీటిపారుదల: మండలం మొత్తం విస్తీర్ణం 26445 హెక్టార్లలో 45% భూమి వ్యవసాయ యోగ్యంగా ఉన్నది. మండలంలో పండించే ప్రధాన పంట వరి. మొక్కజొన్న, జొన్నలు, వేరుశనగ కూడా పండిస్తారు. మండల సాధారణ వర్షపాతం 546 మిమీ. మండలంలో సుమారు 6000 హెక్టార్లకు నీటిపారుదల సౌకర్యం ఉంది.  విభాగాలు: జోగులాంబ గద్వాల జిల్లా మండలాలు,  వడ్డేపల్లి మండలము, గద్వాల రెవెన్యూ డివిజన్, ఆలంపూర్ అసెంబ్లీ నియోజకవర్గం,  = = = = = సంప్రదించిన పుస్తకాలు, వెబ్‌సైట్లు: Handbook of Statistics, Mahabubnagar Dist, 2008, Handbook of Census Statistics, Mahabubnagar Dist, 2001, Census of India 2011, Provistional Population Totals, Part 2, Volume 2 of 2011. మహబూబ్‌నగర్ జిల్లా సర్వస్వము (రచన- బి.ఎన్.శాస్త్రి), బ్లాగు రచయిత సందర్శించి తెలుసుకున్న, సేకరించిన సమాచారం,

tags: About Waddepally Mandal in Jogulanba Gadwal Dist