తల్లోజు ఆచారి (Talloju Achari)

తల్లోజు ఆచారి కల్వకుర్తి ప్రాంతానికి చెందిన ప్రముఖ భారతీయ జనతా పార్టీ నాయకుడు. జూన్ 6, 1966న జన్మించిన ఆచారి బీఏ వరకు అభ్యసించారు. స్వగ్రామం ఆమనగల్‌లో పంచాయతి వార్డు సభ్యునిగా రాజకీయ ప్రస్థానం ఆరంభించి, సర్పంచిగా, భాజపా జిల్లా అధ్యక్షునిగా బాధ్యతలు నిర్వహించారు. రాజకీయ ప్రస్థానం: 1986లో ఆచారి ఆమనగల్ గ్రామపంచాయతి వార్డు సభ్యునిగా ఎన్నికయ్యారు. 1996-2001 కాలంలో ఆమనగల్ సర్పంచిగా పనిచేశారు. 1999, 2004 మరియు 2009లలో కల్వకుర్తి అసెంబ్లీ నియోజకవర్గం నుంచి భాజపా తరఫున పోటీచేసి పోటీచేసి ఓడిపోయారు. 2004లో రెండవస్థానం పొందారు. ఆచారి భాజపా జిల్లా అధ్యక్షులుగా కూడా పనిచేశారు. 2014 ఎన్నికలలో భాజపా తరఫున మరోసారి కల్వకుర్తి నుంచి పోటీ చేసి అతి స్వల్పతేడాతో ఓడిపోయారు. విభాగాలు: మహబూబ్‌నగర్ జిల్లా రాజకీయ నాయకులు, తెలంగాణ భాజపా ప్రముఖులు, కల్వకుర్తి అసెంబ్లీ నియోజకవర్గం,  ఆమనగల్ మండలము,  మహబూబ్‌నగర్ జిల్లా భాజపా అధ్యక్షులు, 1966లో జన్మించినవారు,