కె.కేశవరావు (K.Keshav Rao)

కె.కేశవరావు జననం జూన్ 4, 1939 పదవులు పిసిసి అధ్యక్షుడు, రాజ్యసభ సభ్యుడు, రాష్ట్ర మంత్రి, కె.కేశవరావు తెలంగాణకు చెందిన ప్రముఖ రాజకీయ నాయకుడు. జూన్ 4, 1939న మహబూబాబాదులో జన్మించారు. ఉస్మానియా విశ్వవిద్యాలయం నుంచి ఎం.ఏ., పీహెచ్‌డి అభ్యసించారు. ఉస్మానియా విశ్వవిద్యాలయంలో అభ్యసిస్తున్నప్పుడే విద్యార్థి నాయకుడిగా వ్యవహరించి వైస్-ప్రెసిడెంటుగా ఎన్నికయ్యారు. పాత్రికేయునిగా జీవనం ప్రారంభించి రాజకీయాలలో ప్రవేశించిన కె.కేశవరావు పిసిసి అధ్యక్షుడిగా, ఏఐసిసి అధికార ప్రతినిధిగా, రాష్ట్ర కేబినెట్ మంత్రిగా, 3 సార్లు రాజ్యసభ సభ్యుడిగా, పనిచేశారు. రాజకీయ ప్రస్థానం: 1979-85 వరకు విధానమండలి సభ్యులుగా ఉండి, 1979-80లో విధానమండలి డిప్యూటి చైర్మెన్‌గా వ్యవహరించారు. 1980-83 కాలంలో ముగ్గురు ముఖ్యమంత్రుల కాలంలో కేబినెట్ మంత్రిగా పనిచేశారు.  2005 నుంచి మూడేళ్ళు ఉమ్మడి ఆంధ్రప్రదేశ్ పిసిసి అధ్యక్షులుగా వ్యవహరించారు. 2006 ఏప్రిల్‌లో కాంగ్రెస్ పార్టీ తరఫున రాజ్యసభకు ఎన్నికయ్యారు. తెలంగాణ మలిదశ ఉద్యమంలో కీలకపాత్ర వహించిన కేశవరావు 2013 మేలో తెరాసలో చేరి ఆ పార్టీ సెక్రటరీ జనరల్‌గా పదవి పొందారు. 2014 జనవరిలో తెరాస తరఫున రాజ్యసభకు పోటీచేసి ఎన్నికైనారు. జూన్ 3, 2014న తెరాస పార్లమెంటరీ పార్టీ నేతగా నియమితులైనారు. మార్చి 2020లో తెరాస తరఫున రాజ్యసభకు ఎన్నికయ్యారు. ఈయన పలు పుస్తకాలు రచించారు. 1979లో జాతీయస్థాయి అవార్డు పొందిన "నిమజ్జనం" తెలుగు సినిమాకు స్క్రీన్‌ప్లే రచయితగా, నిర్మాతగా వ్యవహరించారు. ఇవి కూడా చూడండి: నిమజ్జనం (తెలుగు సినిమా),  తెలంగాణ రాష్ట్ర సమితి పార్టీ, విభాగాలు: వరంగల్ జిల్లా రాజకీయ నాయకులు, పిసిసి అధ్యక్షులు, తెలంగాణ రాజకీయ నాయకులు,  = = = = =