బెనిన్ (Benin)

బెనిన్ రాజధాని పోర్టీనోవొ ఖండం ఆఫ్రికా వైశాల్యం 115000 చకిమీ జనాభా సుమారు ఒక కోటి బెనిన్ ఆఫ్రికా ఖండానికి చెందిన దేశము. ఈ దేశ రాజధాని పోర్టీనోవొ. పరిపాలన మాత్రం దేశంలో పెద్ద పట్టణమైన కటనౌ నుంచి సాగుతుంది. దేశ వైశాల్యం 115000 చకిమీ మరియు జనాభా సుమారు ఒక కోటి. భూమధ్యరేఖా మండలం పరిధిలోకి వచ్చే ఈ దేశలో ప్రజల ప్రధాన వృత్తి వ్యవసాయం. అధికార భాష ఫ్రెంచి. రోమన్ కేథలి, ఇస్లాంలు ఇక్కడి ప్రధాన మతాలు. బెనిన్ ఐక్యరాజ్యసమితి, ఆఫ్రికన్ యూనియన్, ఇస్లామిక్ కాన్ఫరెన్స్ సమాఖ్య తదితర అంతర్జాతీయ సంఘాలలో సభ్యత్వం కలిగియుంది. సరిహద్దులు: ఈ దేశానిక్ పశ్చిమాన టోగో, తూర్పున నైజీరియా, ఉత్తరాన బర్కినాఫాసో మరియు నైగర్ దేశాలు సరిహద్దులుగా ఉన్నాయి. దక్షిణాన అట్లాంటిక్ మహాసముద్రంలో భాగమైన గినియా అఖాతం ఉంది. చరిత్ర: క్రీ.శ.17వ శతాబ్దం నుంచి 19వ శతాబ్దం వరకు ఈ ప్రాంతం దహోమి సామ్రాజ్యంలో భాగంగా ఉండేది. ఇప్పటి రాజధాని పోర్టీనోవొ ఆ కాలంలో నగరరాజ్యంగా ఉండేది. ఇతర ప్రాంతాల నుంచి బానిసలను రప్పించడం వల్ల అప్పుడు ఈ తీరం బానిసల తీరంగా పిలువబడింది. 1960లో దహోమి ఫ్రాన్సు నుంచి స్వాతంత్ర్యం పొందడంతో ఇది కూడా ఫ్రాన్సు పాలన నుంచి విముక్తి పొందింది. అప్పుడు బానిసల వ్యవస్థ కూడా రద్దయింది. 1972-90 కాలంలో బెనిన్ మార్కిస్ట్-లెనినిస్ట్ రాజ్యంగా ఉండేది. 1991 నుంచి ప్రస్తుత రూపంలో కొనసాగుతోంది. విభాగాలు: ప్రపంచ దేశాలు, ఆఫ్రికా దేశాలు,  = = = = =