ప్రపంచకప్ క్రికెట్ 2015 (Cricket World Cup 2015)

ప్రపంచకప్ క్రికెట్ 2015 విజేత ఆస్ట్రేలియా నిర్వహణ దేశాలు ఆస్ట్రేలియా, న్యూజీలాండ్ నిర్వహణ కాలం ఫిబ్రవరి 14 నుంచి మార్చి 29, 2015 నాలుగేళ్లకోసారి నిర్వహించబడే ప్రపంచకప్ క్రికెట్ టోర్నమెంటులో భాగంగా 11వ ప్రపంచకప్ టోర్నీ 2015 ఫిబ్రవరి 14న ఆస్ట్రేలియాలో ప్రారంభమైంది. ఈ టోర్నమెంటును ఆస్ట్రేలియా మరియు న్యూజీలాండ్ దేశాలు సంయుక్తంగా నిర్వహిస్తున్నాయి. ఈ టోర్నీలో 14 జట్లు, 49 మ్యాచ్‌లలో పాల్గొన్నాయి. ఇందులో 26 మ్యాచ్‌లు ఆస్ట్రేలియాలో 23 మ్యాచ్‌లు న్యూజీలాండ్‌లో జరిగాయి. మెల్బోర్న్ క్రికెట్ గ్రౌండ్ లో జరిగిన ఫైనల్ మ్యాచ్లో ఆస్ట్రేలియా జట్టు న్యూజీలాండ్‌ను 7 వికెట్ల తేడాతో ఓడించి 5వ సారి విశ్వవిజేతగా నిలిచింది. సచిన్ టెండుల్కర్ ఈ ప్రపంచకప్‌కు బ్రాండ్ అబాసిడర్‌గా వ్యవహరించారు. గ్రూప్ దశలు: ఈ టోర్నమెంటులో పాల్గొంటున్న 14 దేశాలను 2 గ్రూపులుగా విభజించారు. చెరో గ్రూపు నుంచి 4 జట్లు క్వార్టర్‌ఫైనల్‌లోకి ప్రవేశించాయి. గ్రూప్-ఏలో  న్యూజీలాండ్, ఆస్ట్రేలియా, బంగ్లాదేశ్, శ్రీలంక, అఫ్ఘనిస్తాన్, స్కాంట్లాండ్, ఇంగ్లాండ్ దేశాలు, గ్రూప్ బిలో  భారత్, వెస్టీండీస్, దక్షిణాఫ్రికా, ఐర్లాండ్, జింబాబ్వే, యునైటెడ్ అరబ్ ఎమిరేట్స్, పాకిస్తాన్ దేశాలు ఉండగాగ్రూ-ఏ నుంచి న్యూజీలాండ్, ఆస్ట్రేలియా, శ్రీలంక, బంగ్లాదేశ్ జట్లు, గ్రూప్-బి నుంచి భారత్, దక్షిణాఫ్రికా, పాకిస్తాన్, వెస్టీండీస్ జట్లు నాకౌట్ దశకు అర్హత సాధించాయి. ప్రపంచకప్‌తో ఆస్ట్రేలియా జట్టు క్వార్టర్ ఫైనల్స్: మొదటి క్వార్టర్ ఫైనల్‌లో న్యూజీలాండ్ వెస్టీండీస్‌ను, రెండో క్వార్టర్ ఫైనల్‌లో దక్షిణాఫ్రికా శ్రీలంకను, మూడో క్వార్టర్ ఫైనల్‌లో ఆస్ట్రేలియా పాకిస్తాన్‌ను, నాలుగో క్వార్టర్ ఫైనల్‌లో భారత్ బంగ్లాదేశ్‌ను ఓడించి సెమీస్‌కు అర్హత సాధించాయి. సెమీ ఫైనల్స్: మార్చి 24న జరిగిన తొలి సెమీస్‌లో న్యూజీలాండ్ జట్టు దక్షిణాఫ్రికాను 4 వికెట్ల తేడాతో ఓడించగా, మార్చి 26న జరిగిన రెండో సెమీస్‌లో ఆస్ట్రేలియా భారత్‌ను 95 పరుగుల తేడాతో ఓడించి ఫైనల్‌కు చేరాయి. ఫైనల్ మ్యాచ్: మార్చి 29న సిడ్నీలో జరిగిన ఫైనల్ మ్యాచ్‌లో తొలిసారి బ్యాటింగ్ చేసిన న్యూజీలాండ్ జట్టు 45 ఓవర్లలో 183 పరుగులకు ఆలౌట్ అయింది. ఆస్ట్రేలియా జట్టు కేవలం 3 వికెట్లు కోల్ఫోయి 33.1 ఓవర్లలోనే 186 పరుగులు చేసి ప్రపంచకప్ సాధించింది. ఆస్ట్రేలియా కెప్టెన్ మైకేల్ క్లార్క్ నేతృత్వంలోని జట్టు ట్రోఫి అందుకుంది. మ్యాన్ ఆఫ్‌ది మ్యాచ్ మిచెల్ స్టార్క్ ప్రైజ్ మనీ: ఈ టోర్నమెంట్ విజేతకు $3,975,000, రెండోస్థానంలో నిలిచిన జట్టుకు $1,750,000, సెమీస్‌లో ఓడిన జట్టుకు $600,000, క్వార్టర్స్‌లో ఓడిన జట్టుకు $300,000, గ్రూప్ మ్యాచ్‌లో గెలిచిన జట్టుకు $45,000 ప్రైజ్ మని లభిస్తుంది. 2015 ప్రపంచకప్ రికార్డులు: అత్యధిక టీం స్కోరు: 417/6 (ఆస్ట్రేలియా) అత్యధిక పరుగులతో విజయం సాధించిన జట్టు-- ఆస్ట్రేలియా (275) అత్యల్ప పరుగులు చేసిన జట్టు-- యునైటెడ్ అరబ్ ఎమిరేట్స్ (102) టోర్నీలో అత్యధిక పరుగులు చేసిన బ్యాట్స్‌మెన్-- మార్టిన్ గుప్తిల్ (547) ఒకే మ్యాచ్‌లో అత్యధిక వ్యక్తిగత స్కోరు-- మార్టిన్ గుప్తిల్ (237*) అత్యధిక ఫోర్లు కొట్టిన బ్యాట్స్‌మెన్-- మార్టిన్ గుప్తిల్ (59) అత్యధిక సిక్సర్లు కొట్టిన బ్యాట్స్‌మెన్-- క్రిస్ గేల్ (26) అత్యధిక వికెట్లు పడగొట్టిన బౌలర్-- మిచెల్ స్టార్క్ (22) అత్యధికవికెట్లు సాధించిన భారతీయ బౌలర్-- ఉమేష్ యాదవ్ (18) ప్రపంచకప్‌లో వరసగా 5 మ్యాచ్‌లలో 50+ పరుగులు చేసిన తొలి ఆటగాడిగా స్మిత్ రికార్డు సృష్టించాడు. హాట్రిక్‌లు సాధించిన బౌలర్లు-- స్టీవెన్ ఫిన్, డుమ్మి. ఏ వికెట్‌కైనా అత్యధిక పరుగుల భాగస్వామ్యం-- 372 (క్రిస్ గేల్ + సామ్యూల్స్)  ప్రపంచకప్ చరిత్రలోనే అత్యధికంగా ఈ కప్‌లో 38 సెంచరీలు నమోదైనాయి. విభాగాలు: ప్రపంచకప్ టోర్నమెంట్లు, క్రికెట్, 2015,  = = = = =