ఆంధ్రప్రదేశ్‌లోని ప్రముఖ నగరాలలో ఒకటైన విజయవాడ కృష్ణా జిల్లాలో కృష్ణా నది ఒడ్డున ఉంది. ఇది ప్రసిద్ధ వ్యాపారకేంద్రం మరియు పర్యాతక కేంద్రంగానూ పిలువబడుతోంది. చెనై-కోల్‌కత రైలు మార్గములో ఉండే విజయవాడ దక్షిణ మధ్య రైల్వేలో అతి పెద్ద కూడలి. 5వ నెంబరు మరియు 9వ నెంబరు జాతీయ రహదారులు నగరం మీదుగా వెళ్ళుచున్నాయి. బెజవాడగా కూడా పిలువబడే ఈ నగరం 61.8 చ.కి.మీ. విస్తీర్ణములో 2001 జనాభా లెక్కల ప్రకారం 8,51,282 జనాభాను కలిగియుంది. ఎన్టీయార్ వైద్యవిశ్వవిద్యాలయం నగరంలో ఉంది. కనకదుర్గ దేవాలయం, ప్రకాశం బ్యారేజీ, విక్టోరియా మ్యూజియం, కొండపల్లి కోట, ఉండవల్లి గుహలు, భవానీద్వీపం నగర సమీపంలోని పర్యాటక ప్రాంతాలు.
భౌగోళికం: ఆంధ్రప్రదేశ్‌లో రెండో పెద్ద నగరమైన విజయవాడ కృష్ణా జిల్లాలో కృష్ణానది ఒడ్డున 80° 38' తూర్పు రేఖాశం, 16° 30' ఉత్తర అక్షాంశంపై ఉంది.
చరిత్ర: విజయవాడ ప్ర్రాచీనమైన నాగరికత ఆనవాళ్ళను కలిగియుంది. కీ.శ. 7వ శతాబ్దిలో ఇక్కడ బౌద్ధ మతము బాగా ప్రాచుర్యములో ఉన్నప్పుడు చైనా యాత్రికుడైన హుయాన్ త్సాంగ్ ఈ ప్రాంతాన్ని దర్శించాడు. బ్రిటీషువారి కాలంలో ఈ ప్రాంతము అభివృద్ధి సాధించింది. వారి కాలంలో కృష్ణానదిపై ఇక్కడ ఆనకట్టను నిర్మించారు. ఆర్థికం: విజయవాడ ప్రముఖ వర్తక మరియు వ్యాపార కేంద్రమైంది. మోటారు వాహనాల విడిభాగాలు, ఎలక్ట్రానిక్ వస్తువులు, దుస్తులు తయారీ, మరకొన్ని చిన్న తరహా పరిశ్రమలు ఉన్నాయి. పలు పెద్ద షాపింక్ కాంప్లెక్సులు ఉన్నాయి. కోస్తా ఆంధ్ర ప్రాంతంలో హోల్‌సేల్ వ్యాపారం విజయవాడనుండి పెద్దయెత్తున జరుగుతుంది. విజయవాడ జంక్షన్ రైల్వే స్టేషను మరియు జాతీయ రహదారి కూడలి.
విజయవాడ నగరపాలన విజయవాడ నగరపాలక సంస్థ (మునిసిపల్ కార్పొరేషన్)చే నిర్వహించబడుతుంది. నగరపాల సంస్థ పరిధిలో 59 డివిజన్‌లు కలవు. ఒక్కో డివిజన్ నుండి ఒక్కో కార్పొరేటర్, నగరానికి ఒక మేయర్‌ ఎన్నుకోబడి నగర పాలన బాధ్యతను నిర్వహిస్తారు. మేయరు పర్యవేక్షణలో పాలన జరుగుతుంది. పారిశుద్ధ్యం, వీధిదీపములు, నీటిసరఫరా నగరపాలన ముఖ్య విధులు. ఆస్తిపన్నులు, నీటిపన్నులు, గృహనిర్మాన అనుమతులు తదితరాలచే నగరపాలక సంస్థ ఆదాయాన్ని సమకూర్చుకుంటుంది. ఇవి కూడా చూడండి:
= = = = =
| |||||||||||||
Tags: Vijayawada information in Telugu, Andhra Pradesh Towns and Cities information in Telugu,
కామెంట్‌లు లేవు:
కామెంట్‌ను పోస్ట్ చేయండి