బూదరాజు రాధాకృష్ణ (Budaraju Radhakrishna)

జననం మే 3, 1932 స్వస్థలం వేటపాలెం రంగం భాషావేత్త, పాత్రికేయుడు, మరణం జూన్ 4, 2006 ప్రముఖ భాషా శాస్త్రవేత్త, సీనియర్‌ పాత్రికేయుడుగా పేరుపొందిన బూదరాజు రాధాకృష్ణ మే 3, 1932న ఇప్పటి ప్రకాశం జిల్లా వేటపాలెంలో జన్మించారు. పాఠశాల విద్య స్థానికంగా వేటపాలెంలో పూర్తిచేసి "హిస్టారికల్ గ్రామర్ ఆఫ్ ఎర్లీ తెలుగు ఇన్‌స్క్రి ప్షన్" అనే అంశంపై పరిశోధన చేసి ఆంధ్ర విశ్వవిద్యాలయం నుండి డాక్టరేటు పట్టా అందుకున్నారు. 1953 నుంచి 1968 వరకు చీరాలలోని ఒక కళాశాలలో తెలుగు అధ్యాపకుడిగా పనిచేసి, ఆపై 1968-73 కాలంలో తెలుగు అకాడమీ రీసెర్చి ఆఫీసర్‌గా, 1973--88 వరకు తెలుగు అకాడమీ డిప్యూటీ డైరెక్టరుగా పనిచేసారు. పిదప రెండేళ్ళు హైదరాబాదు కేంద్రీయ విశ్వవిద్యాలయం విజిటింగ్ ప్రొఫెసర్‌గా, 1990 నుంచి దశాబ్దం పాటు ఈనాడు జర్నలిజం స్కూలు ప్రిన్సిపాలుగా పనిచేసారు. రాధాకృష్ణ పాత్రికేయులకు భాషాభిమానులకు విశేషంగా ఉపయోగపడే అనేక పుస్తకాలను రచించారు. ఈనాడు పత్రికలో పుణ్యభూమి శీర్షికకు ధర్మారావు కలంపేరుతో వందలాది వ్యాసాలు వ్రాసారు. ఆయన తన సాహిత్య ప్రస్థానంలో అనేకమైన రచనలను తెలుగులోకి అనువదించారు. 2006 జూన్ 4న బూదరాజు రాధాకృష్ణ మరణించారు. "సదా స్మరామి" అన్న పుస్తకం ఆయన మరణానంతరం ఆయన స్మృతి సంచికగా ఆయన శిష్య బృందం విడుదల చేసింది. విభాగాలు: తెలుగు రచయితలు, భాషావేత్తలు, ప్రకాశం జిల్లా ప్రముఖులు, 1932లో జన్మించినవారు, 2006లో మరణించినవారు,  = = = = =