పాకాల తిరుమల రెడ్డి (Pakala Tirumal Reddy)

జననం జనవరి 4, 1915 స్వస్థలం అన్నారం (కరీంనగర్ జిల్లా) రంగం చిత్రకళ మరణం అక్టోబర్ 21, 1996 చిత్రకళారంగంలో అంతర్జాతీయ ఖ్యాతిచెందిన పాకాల తిరుమల రెడ్డి జనవరి 4, 1915న కరీంనగర్ జిల్లా అన్నారం గ్రామంలో జన్మించారు. 1942లో బొంబాయి జె.జె.స్కూల్ ఆఫ్ ఆర్ట్స్ నుంచి చిత్రకళలోమొదటి ర్యాంకుతో డిప్లొమా పొంది, ఆరు దశాబ్దాలుగా చిత్రకళారంగంలో అలుపెరుగని కృషి చేసిన మహనీయుడు ఆయన. దేశంలోని అన్ని ప్రధాన పట్టణాలలోనే కాక ఆస్ట్రేలియా, యు.కె, జపాన్, పశ్చిమ జర్మనీ తదితర విదేశాల్లో సైతం చిత్రకళాప్రదర్శనలు నిర్వహించారు. 1996 అక్టోబర్ 21 న ఆయన మరణించాడు. ప్రముఖ రచయిత్రి పాకాల యశోధారెడ్డి ఈయన భార్య. ఉమ్మడి ఆంధ్రప్రదేశ్ లలితకళా అకాడమీ విశిష్ట సభ్యునిగా, కార్యదర్శిగా, అధ్యక్షుడిగా అనేక హోదాల్లో పని చేసారు. ఈ కాలంలో తన ప్రతిభతో అత్యంత ప్రతిష్టాత్మకమైన అవార్డులెన్నో అందుకున్నారు. హైదరాబాదులో నారాయణగూడ లోని తన నివాసాన్ని ఒక పెద్ద చిత్రకళా ప్రదర్శనా నిలయంగా తీర్చిదిద్దిన పి.టి.రెడ్డి చిరస్మరణీయుడు. తెలంగాణ జీవితం, ఘర్షణ, పల్లెటూరు రైతు, చిక్కిన స్త్రీ, ఆందోళనలు అన్నీ కలిసిపోయిన రంగుల నైపుణ్యం ఆయనది. హైదరాబాద్, బొంబాయి వీధులు, ఆర్థిక, రాజకీయ, సాంఘిక ప్రభావాలు, మార్మిక, తాంత్రిక, శృంగార భావనల సమ్మిళితం ఆయన కళ. కర్రతో, రాతితో ఆయన మలిచిన శిల్పాలు ప్రత్యేకం. విభాగాలు: కరీంనగర్ జిల్లా ప్రముఖులు, చిత్రకళా ప్రముఖులు, 1915లో జన్మించినవారు, 1996లో మరణించినవారు,  = = = = =