రాంరెడ్డి వెంకటరెడ్డి (Ramreddy venkat Reddy)

జననం మే 22, 1944 స్వస్థలం పాతలింగాల (ఖమ్మం జిల్లా) పదవులు 5 సార్లు ఎమ్మెల్యే, రాష్ట్ర మంత్రి, మరణం మార్చి 4, 2016 ఖమ్మం జిల్లాకు చెందిన రాజకీయ నాయకుడైన రాంరెడ్డి వెంకటరెడ్డి మే 22, 1944న జన్మించారు. ఖమ్మం జిల్లా కామేపల్లి మండలం పాతలింగాల గ్రామానికి చెందిన వెంకటరెడ్డి 5 సార్లు ఎమ్మెల్యేగా ఎన్నిక కావడమే కాకుండా రాష్ట్ర మంత్రిగానూ పనిచేశారు. తెలంగాణ ప్రజాపద్దుల సంఘం చైర్మెన్‌గానూ విధుల నిర్వహిస్తున్న వెంకటరెడ్డి మార్చి 4, 2016న మరణించారు. రాజకీయ ప్రస్థానం: 1967లో స్వరామం పాతలింగాల గ్రామపంచాయతి సర్పంచిగా రాజకీయ ప్రస్థానం ఆరంభించిన వెంకటరెడ్డి పదేళ్లు సర్పంచిగా సేవలందించారు. డీసిసి ఉపాధ్యక్షులుగా కూడా పనిచేశారు. 1996లో తొలిసారి సుజాతనగర్ నుంచి శాసనసభకు ఎన్నికయ్యారు. 1999 మరియు 2004లలో కూడా అదే స్థానం నుంచి గెలుపొందినారు. నియోజకవర్గాల పునర్విభజనలో సుజాతనగర్ స్థానం రద్దుకావడంతో 2009, 2014లలో కాంగ్రెస్ పార్టీ తరఫున పాలేరు అసెంబ్లీ నియోజకవర్గం నుంచి పోటీచేసి విజయం సాధించారు. 2009-14 కాలంలో రాష్ట్ర మంత్రిగా పనిచేశారు. తెలంగాణ రాష్ట్ర శాసనసభలో పబ్లిక్ అక్కౌంట్స్ కమిటి చైర్మెన్‌గా విధులు నిర్వహిస్తూనే మార్చి 4, 2016న మరణించారు.     ఇవి కూడా చూడండి: కామేపల్లి మండలం, విభాగాలు: ఖమ్మం జిల్లా ప్రముఖులు, ఖమ్మం జిల్లా రాజకీయ నాయకులు, 13వ శాసనసభ సభ్యులు, 14వ శాసనసభ సభ్యులు, 1944లో జన్మించినవారు, 2016లో మరణించినవారు,  = = = = =