ఎం.చంద్రశేఖర్ (M.Chandra Sekhar)

మరాఠి చంద్రశేఖర్ మహబూబ్ నగర్ జిల్లాకు చెందిన రాజకీయ నాయకుడు. ఇతను 1967, జూన్ 24 న జన్మించారు. బి.ఎ., ఎల్.ఎల్.బి. వరకు అభ్యసించారు. ధన్వాడ మండల అధ్యక్షులుగా, సోదరుడు ఎర్రసత్యం మరణానంతరం జడ్చర్ల అసెంబ్లీ నియోజకవర్గం నుంచి 3 సార్లు ఎన్నికైనారు. రాజకీయ జీవనం ఎర్రశేఖర్‌గా పిలువబడే మరాఠి చంద్రశేఖర్ తొలిసారిగా సోదరుడు ఎర్రసత్యం మరణంతో ఖాళీ అయిన జడ్చర్ల స్థానం నుంచి 1996 ఉపఎన్నికలలో విజయం సాధించి తొలిసారి శాసనసభలో ప్రవేశించారు. అంతకి ముందు 1995లో ధన్వాడ ఎంపిపిగా ఎన్నికయ్యారు. ఆ తర్వాత 1999లో కూడా విజయం సాధించి వరుసగా రెండో సారి శాసనసభలో అడుగుపెట్టారు. 2004లో తెలంగాణ రాష్ట్ర సమితి అభ్యర్థి చేతిలో ఓడిపోగా, 2008 ఉపఎన్నికలలో కాంగ్రెస్ అభ్యర్థి మల్లు రవిపై పోటీచేసి పరాజయం పొందినారు. 2009 ఎన్నికలలో మహాకూటమి అభ్యర్థిగా తెలుగుదేశం పార్టీ అభ్యర్థిగా పోటీచేసి మల్లు రవిపై విజయం సాధించి మూడవసారి శాసనసభలో ప్రవేశించారు. 2014 శాసనసభ ఎన్నికలలో మరోసారి జడ్చర్ల నుంచి తెలుగుదేశం పార్టీ తరఫున పోటీ చేసిననూ డిపాజిట్ లభించలేదు. ఆగస్టు 2019లో భాజపాలో చేరి మే 2020లో భాజపా మహబూబ్‌నగర్ జిల్లా అధ్యక్షుడైనారు. ఇవి కూడా చూడండి: ఎర్రసత్యం, ధన్వాడ మండలం, (ఈ సమాచారం జూన్ 1, 2020 నాటికి తాజాకరించబడింది) విభాగాలు: మహబూబ్‌నగర్ జిల్లా ప్రముఖులు,  ధన్వాడ మండలము,  జడ్చర్ల అసెంబ్లీ నియోజకవర్గం, 13వ శాసనసభ సభ్యులు,