మాడుగుల నాగఫణిశర్మ (Madugula Nagaphani Sharma)

మాడుగుల నాగఫణిశర్మ (అవధాన పండితుడు) జననం 1959, జూన్‌ 8 స్వస్థలం కడవకొలను జిల్లా అనంతపురం మాడుగుల నాగఫణిశర్మ అనంతపురం జిల్లా పుట్లూరు మండలంలోని కడవకొలను గ్రామంలో 1959 జూన్‌ 8న జన్మించారు. స్వగ్రామంలోనే పదో తరగతి పూర్తి చేసి 'సాహిత్య శిరోమణి' పట్టా కోసం తిరుపతి వెళ్ళారు. అక్కడే అతని ప్రతిభా వెలుగులు ప్రసరించడం మొదలైనా  ఆంధ్ర విశ్వ విద్యాలయంలో చదివే సమయంలో గుర్తింపు పొందారు. తర్వాత మైసూరు విశ్వవిద్యాలయం నుంచి ఎం.ఏ., కొత్త ఢిల్లీ రాష్ట్రీయ సంస్కృత సంస్థాన్‌ నుంచి 'శిక్షాశాస్త్రి', తిరుపతి రాష్ట్రీయ విద్యా పీఠం నుంచి పి.హెచ్‌.డి. పట్టా పొందిన మాడుగుల జీవిక కోసం 1985-90 మధ్య కాలంలో కడప రామకృష్ణ జూనియర్‌ కళాశాలలో సంస్కృతోపన్యాసకుడిగా, 1990-92 మధ్య కాలంలో తిరుమల తిరుపతి దేవస్థానం ధర్మ ప్రచార పరిషత్తు అడిషనల్‌ కార్యదర్శిగా పని చేశారు. రాష్ట్రవ్యాప్తంగా అనేక అవధాన కార్యక్రమాలు నిర్వహించి గుర్తింపు పొందారు. భారత మాజీ ప్రధానులు పి.వి. నరసింహారావు, అటల్‌ బిహారీ వాజ్‌పేయి, మాజీ రాష్ట్రపతి శంకర్‌దయాళ్‌ శర్మ వంటి వారి సమక్షంలో అవధానులు నిర్వహించి 'సెహభాష్‌' అనిపించుకొన్న మాడుగుల నాగఫణిశర్మ అవధాన సహస్రఫణి, బృహత్‌ ద్వి సహస్రావధాని, శతావధాని సమ్రాట్‌, శతావధాన చూడామణి, కళాసాహిత్య కల్పద్రుమ, వంటి అనేక బిరుదాలు పొందారు. పలుచోట్ల కనకాభిషేకాలు, స్వర్ణశారదా ముద్రిక, ముత్యాలజల్లు, ఆందోళికా భోగం, స్వర్ణ కంకణం, గండపెండేరం వంటివి పొందారు. విభాగాలు: అనంతపురం జిల్లా ప్రముఖులు,   = = = = =