రామగుండం మండలం (Ramagundem Mandal)

రామగుండం మండలం
జిల్లా	కరీంనగర్
రెవెన్యూ డివిజన్	పెద్దపల్లి
అసెంబ్లీ నియోజకవర్గం	రామగుండం
లోకసభ నియోజకవర్గం	పెద్దపల్లి
జనాభా	276794 (2011),

రామగుండం కరీంనగర్ జిల్లాకు చెందిన మండలము. ఇది పెద్దపల్లి రెవెన్యూ డివిజన్, రామగుండం అసెంబ్లీ నియోజకవర్గం, పెద్దపల్లి లోకసభ నియోజకవర్గంలో భాగముగా ఉన్నది. ఎల్లంపల్లి (శ్రీపాద ప్రాజెక్టు)ను ఈ మండలంలోనే నిర్మిస్తున్నారు. సికింద్రాబాదు-ఢిల్లీ రైలు మార్గం మండలం గుండా వెళ్ళుచున్నది. గోదావరి నదిపై రైల్వే వంతెన ఉంది. మండలం కేంద్రంలో రామగుండం విద్యుత్ కేంద్రం, బసంత్ నగర్ లో కేశోరాం సిమెంట్ కర్మాగారం ఉన్నాయి.

జనాభా:
2011 లెక్కల ప్రకారం మండల జనాభా 276794. ఇందులో పురుషులు 140576, మహిళలు 136218. పట్టణ జనాభా 244726, గ్రామీణ జనాభా 32068. స్త్రీపురుష నిష్పత్తిలో (969/వెయ్యి పురుషులకు) ఈ మండలం జిల్లాలో చిబరి స్థానంలో ఉంది. అక్షరాస్యత శాతం 73.03%. ఇది జిల్లాలో అత్యధిక అక్షరాస్యత శాతం కల మండలాలలో రెండవ స్థానంలో ఉంది.

రాజకీయాలు:
ఈ మండలము రామగుండం అసెంబ్లీ నియోజకవర్గం, పెద్దపల్లి లోకసభ నియోజకవర్గంలో భాగముగా ఉన్నది.

విభాగాలు: కరీంనగర్ జిల్లా మండలాలు, రామగుండం మండలం, పెద్దపల్లి రెవెన్యూ డివిజన్, రామగుండం అసెంబ్లీ నియోజకవర్గం,

 = = = = =