పాలగిరి రామకృష్ణారెడ్డి (Palagiri Ramakrishna Reddy)

పాలగిరి రామకృష్ణారెడ్డి జననం జూలై 1, 1955 ప్రాంతం గిద్దలూరు (ప్రకాశం జిల్లా) రంగం ఆయిల్ టెక్నాలజి తైలరంగంలో నిపుణుడైన పాలగిరి రామకృష్ణారెడ్డి జూలై 1, 1955న ప్రకాశం జిల్లా గిద్దలూరులో జన్మించారు. 1975లో ఆదోని ఆర్ట్స్ కళాశాల నుంచి ఆయిల్ టెక్నాలజీలో బిఎస్సీ పట్టాను, తర్వాత నాగ్పూర్ విశ్వవిద్యాలయం నుండి ఆయిల్ టెక్నాలజీలో డిప్లొమా పొందారు. పలు భాషలలో పరిజ్ఞానమున్న పాలగిరి తెలుగు, ఆంగ్ల, కన్నడ భాషలలో ఆయిల్ టెక్నాలజీపై పలు వ్యాసాలు రచించారు. తైలరంగంలో అనుభవం: పాలగిరి 1980 దశకం నుంచి నూనె గింజలు నుండి వివిధ రకాల నూనెలను తీయడంలో నిపుణత సాధించారు. నూనెలను విశ్లేషణ చేయడం, నూనె గింజలను శుద్ధి చేసి వంటనూనెలను ఉత్పత్తి చెయ్యడం. నూనెలను రిఫైనరిలో రిఫైన్‌ చేసి రిఫైండ్ అయిల్స్ ఉత్పత్తి చెయ్యడంలో అపార అనుభవం సాధించారు. అంతేకాకుండా నూనె తీయు యంత్రాలను, పరికరాలను డిజైన్ చేయడం, అయిల్ ప్రాసెసింగ్ లో వచ్చు సమస్యలను సరిదిద్దటం, అయిల్ ప్రాసెసింగ్‌ లో కలిగే ఖర్చులను తగ్గించడంతో నష్టాలు రాకుండా నిరోధించడంలో ప్రత్యేకమైన శ్రద్ధ తీసుకోవడంలో మంచి పరిణతి సాధించారు. రచనలు: పాలగిరి ఆయిల్ పరిశ్రమలో కేవలం నిపుణత సాధించడమే కాకుండా ఆయిల్ పరిశ్రమలోని నైపుణ్యాలను ఇతరులకు చేరవేయడానికి ముఖ్యంగా నూనె పరిశ్రమలో పనిచేస్తూ ఆంగ్ల పరిజ్ఞానంలేనివారికై తెలుగులో నూనె శుద్ధికి సంబంధించిన  అంశాలపై పలు వ్యాసాలు రచించారు. తెలుగు వికీపీడియా (స్వేచ్ఛా విజ్ఞానసర్వస్వము)లో కూడా నూనెలకు సంబంధించి విలువైన వ్యాసాలు రచించి ఆ రంగంలోని వ్యాస సమాచరాన్ని పరిపుష్టి చేశారు. పాలగిరి తెలుగుతో పాటు కన్నడ, ఆంగ్ల వికీపీడియాలలో కూడా రచనలు చేస్తున్నారు. విభాగాలు: ప్రకాశం జిల్లా వ్యక్తులు, గిద్దలూరు మండలము, 1955లో జన్మించినవారు, ఆయిల్ టెక్నాలజీ నిపుణులు,  = = = = = సంప్రదించిన గ్రంథాలు, వెబ్‌సైట్లు: తెలుగు వికీపీడియా,