చరణ్ సింగ్ (Charan Singh)

చరణ్ సింగ్ జననం డిసెంబరు 23,1902 రాష్ట్రం ఉత్తరప్రదేశ్ పదవులు ఉత్తరప్రదేశ్ ముఖ్యమంత్రి, ప్రధానమంత్రి, మరణం మే 29, 1987 చౌధరీ చరణ్ సింగ్ డిసెంబరు 23,1902న ఉత్తరప్రదేశ్‌లోని నూర్‌పూర్ లో జన్మించారు. 1923లో సైన్సులో డిగ్రీపట్టా పుచ్చుకొని 1925లో ఆగ్రా విశ్వవిద్యాలయము నుండి పోస్టు గ్రాడ్యుయేషన్ చేశారు. న్యాయవిద్య కూడా అభ్యసించి వకీలుగా ఘజియాబాదులో ప్రాక్టీసు ప్రారంభించారు. 1929లో మీరట్ కి చేరి ఆ తర్వాత కాంగ్రేసు పార్టీ ద్వారా రాజకీయాలలో ప్రవేశించారు. ఉత్తరప్రదేశ్ ముఖ్యమంత్రిగా, భారతదేశ ఐదవ ప్రధానమంత్రిగా పనిచేశారు. రైతుబాంధవుడిగా పేరుపొందిన చరణ్ సింగ్ మే 29, 1987న మరణించారు. రాజకీయ ప్రస్థానం: 1937లో ఉత్తరప్రదేశ్ శాసనసభకు ఛత్రౌలి నుండి ఎన్నికై ఆ నియోజక వర్గానికి 1946, 1952, 1962 మరియు 1967 లలో ప్రాతినిధ్యం వహించారు. 1946లో గోవింద వల్లభ్ పంత్ మంత్రివర్గములో వివిధ శాఖలలో పనిచేశారు. 1951 జూన్ లో రాష్ట్రములో కేబినెట్ మంత్రిగా నియమితుడై న్యాయ మరియు సమాచార శాఖ మంత్రిగా ఆ తరువాత 1952లో డా.సంపూర్ణానంద్ మంత్రివర్గములో రెవిన్యూ మరియు వ్యవసాయ శాఖా మంత్రిగా పనిచేశారు. 1959 ఏప్రిల్ లో మంత్రి పదవికి రాజీనామా చేశారు. చరణ్‌సింగ్ 1960లో హోమ్ మరియు వ్యవసాయశాఖ మంత్రిగా, 1962-63లో వ్యవసాయ మరియు అటవీ శాఖ మంత్రిగా పనిచేశారు. 1965లో వ్యవసాయ శాఖను విడిచి 1966లో స్థానిక స్వయంపరిపాలనా శాఖకు మంత్రిగా బాధ్యతలు స్వీకరించారు. కాంగ్రెస్ పార్టీ చీలిక తర్వాత, 1970 ఫిబ్రవరిలో కాంగ్రెస్ పార్టీ మద్దతుతో ఉత్తర ప్రదేశ్ రాష్ట్రానికి రెండవ దఫా ముఖ్యమంత్రి అయ్యారు. కానీ 1970 అక్టోబర్ 2 న ఈయన ప్రభుత్వాన్ని రద్దుచేసి రాష్ట్రములో రాష్ట్రపతి పాలన విధించబడినది. ఉత్తర ప్రదేశ్ ముఖ్యమంత్రిగా చరణ్‌సింగ్ భూసంస్కరణలు చేపట్టారు. 1960 లాండ్ హోల్డింగ్ చట్టాన్ని తీసుకునివచ్చారు. ప్రధానమంత్రిగా: 1979 జూలై 28 నుండి 1980 జనవరి 14 వరకు చరణ్ సింగ్ భారతదేశ 5వ ప్రధానమంత్రిగా పనిచేశారు. ప్రధానమంత్రి కంటే ముందు ఈయన ఉప ప్రధానమంత్రిగా కూడా పనిచేశాడు. చరణ్ సింగ్ ప్రధానిగా ఉన్న కాలములో లోక్‌సభ సమావేశం కాలేదు. లోక్ సభ సమావేశం ప్రారంభమవుతుందనగా, ముందురోజు ఈయన ప్రభుత్వానికి మద్దతునిచ్చిన కాంగ్రేసు పార్టీ మద్దతు ఉపసంహరించుకోవడంతో భారతీయ లోక్‌దళ్ ప్రభుత్వం కూలిపోయింది. చరణ్ సింగ్ పదవికి రాజీనామా చేశారు. 6 నెలల అనంతరం లోక్‌సభకు మళ్ళీ ఎన్నికలు జరిగాయి. రైతు బంధుగా పేరుతెచ్చుకున్న చరణ్ సింగ్ సమాధిని కిసాన్ ఘాట్ అని పిలుస్తారు. ఇవి కూడా చూడండి: ఉత్తరప్రదేశ్ ముఖ్యమంత్రుల జాబితా, భారతదేశ ప్రధానమంత్రుల జాబితా,  ఉత్తరప్రదేశ్ ప్రముఖులు,  కేంద్ర ఆర్థికమంత్రులు, హోం విభాగాలు: భారతదేశ ప్రధానమంత్రులు, ఉత్తరప్రదేశ్ ముఖ్యమంత్రులు, కేంద్ర ఆర్థికమంత్రులు,  = = = = =