అటల్ బిహారీ వాజపేయి (Atal Bihari Vajpayee)

అటల్ బిహారీ వాజపేయి జననం డిసెంబరు 25, 1924 జన్మస్థలం గ్వాలియర్ పదవులు 3 సార్లు ప్రధానమంత్రి, భాజపా అధ్యక్షుడు, మరణం ఆగస్టు 16, 2018 భారతదేశ ప్రధానమంత్రిగా పనిచేసిన అటల్ బిహారీ వాజ్‌పేయి డిసెంబరు 25, 1924న మధ్యప్రదేశ్ లోని గ్వాలియర్ లో జన్మించారు. 1942లో రాజకీయాలలో ప్రవేశించిన వాజపేయి మొదటిసారిగా రెండో లోక్‌సభకు ఎన్నికైనారు. మధ్యలో 8 వ, 9 వ లోకసభలకు తప్పించి 2009 వరకు లోకసభకు ఎన్నికైనారు. 1968 నుండి 1973 వరకు జనసంఘ్ పార్టీకి అధ్యక్షుడిగా పనిచేసిన వాజపేయి 1980లో భాజపా వ్యవస్థాపక అధ్యక్ష పదవిని పొంది 1986 వరకు పార్టీ అధ్యక్షుడిగా పనిచేశారు. ఆగస్టు 16, 2018న మరణించారు. 1996 లో తొలిసారిగా ప్రధానమంత్రి పదవి యోగం లభించినా అది 13 రోజులకే పరిమితమైంది. 1998 లో రెండో పర్యాయం ప్రధానమంత్రి పదవి పొంది 13 మాసాలు పాలించారు. 1999 లో 13 వ లోక్‌సభ ఎన్నికల అనంతరం మరోసారి ప్రధానమంత్రి పదవి చేపట్టి 2004 వరకు పదవిలో ఉన్నారు. అలుపెరుగని ఈ రాజకీయ నాయకుడికి 1994 లో ఉత్తమ పార్లమెంటేరియన్ అవార్డు, 2015లో భారతరత్న పురస్కారం లభించింది. వాజపేయి జన్మదినం డిసెంబరు 25న సుపరిపాలన దినంగా జరుపుకుంటారు. అవార్డులు: వాజపేయికి 1992లో పద్మవిభూషణ్ అవార్డు, 1993లో కాన్పూర్ విశ్వవిద్యాలయం నుంచి డిలిట్ గౌరవ పురస్కారం, 1994లో లోకమాన్య తిలక్ అవార్డు, 1994లో ఉత్తర పార్లమెంటేరియన్ అవార్డు, 1994లో పండిత్ గోవింద్ వల్లభ్‌పంత్ అవార్డులు లభించాయి. దేశంలో అత్యున్నతమైన భారతరత్న పురస్కారం 2015లో లభించింది. ఇవి కూడా చూడండి: అటల్ బిహారి వాజపేయి || 20 ముఖ్యమైన విషయాలు (యూట్యూబ్ వీడియో), విభాగాలు: భారతదేశ ప్రధానమంత్రులు, ఉత్తమ పార్లమెంటేరియ అవార్డు గ్రహీతలు, 1924లో జన్మించినవారు, గ్వాలియర్, భారతీయ జనతాపార్టీ అధ్యక్షులు, 2వ లోకసభ సభ్యులు, 4వ లోకసభ సభ్యులు, 5వ లోకసభ సభ్యులు, 6వ లోకసభ సభ్యులు, 7వ లోకసభ సభ్యులు, 10వ లోకసభ సభ్యులు, 11వ లోకసభ సభ్యులు, 12వ లోకసభ సభ్యులు, 13వ లోకసభ సభ్యులు, 14వ లోకసభ సభ్యులు,  = = = = =