సుభాష్ ఘీసింగ్ (Subhash Ghisingh)

సుభాష్ ఘీసింగ్ జననం జూన్ 22, 1936 రంగం గూర్ఖాల హక్కుల కోసం పోరాటం మరణం జనవరి 29, 2015 గూర్ఖాల హక్కుల కోసం, ప్రత్యేక గూర్ఖాలాండ్ రాష్ట్రం కోసం పోరాడిన సుభాష్ ఘీసింగ్ జూన్ 22, 1936న పశ్చిమబెంగాల్ రాష్ట్రంలోని డార్జిలింగ్ జిల్లా మిరిక్‌లో జన్మించారు. ప్రారంభంలో నీలోఝండా సంస్థను స్థాపించి ఆ తర్వాత నేపాలీ భాష మాట్లాడే వారికోసం ప్రత్యేక గూర్ఖాలాండ్ డిమాండుతో ఉద్యమం లేవదీశారు. గూర్ఖాలాండ్ నేషనల్ లిబరేషన్ ఫ్రంట్‌ చైర్మెన్‌గా వ్యవహరిస్తూ రాష్ట్ర కేంద్ర ప్రభుత్వాలతో చర్చలు జరుపుతూ డార్జిలింగ్ గూర్ఖా హిల్ కౌన్సిల్ ఏర్పాటుకు కారకులయ్యారు. దీనికి 20 సంవత్సరాలు చైర్మెన్‌గా వ్యవహరించారు. సుభాష్ ఘీసింగ్ జనవరి 29, 2015న మరణించారు. ఉద్యమ ప్రస్థానం: 1968లో నీలోఝండా సంస్థను స్థాపించి గూర్ఖాల హక్కుల కోసం పోరాడారు. 1979లో ప్రత్యేక గూర్ఖాలాండ్ రాష్ట్రం కోసం ఉద్యమం ప్రారంభించి 1980లో గూర్ఖా నేషనల్ లిబరేషన్ ఫ్రంట్ ఏర్పాటుచేశారు. 1986-88 కాలంలో ప్రత్యేక గూర్ఖాలాండ్ ఉద్యమ పోరాటం హింసాత్మకంగా మారి దాదాపు 1200 మంది ప్రాణాలు కోల్పాయారు. గూర్ఖా నేషనల్ ల్బరేషన్ ఫ్రంట్‌కు పశ్చిమబెంగాల్ రాష్ట్ర ప్రభుత్వంతోనూ, కేంద్ర ప్రభుత్వం తోనూ పలుసార్లు ప్రత్యేక చర్చలు జరిగిన ఫలితంగా 1988లో డార్జిలింగ్ గూర్ఖాహిల్ కౌన్సిల్ ఏర్పాటు చేయబడింది. ఈ సంస్థకు 2008 వరకు సుభాష్ ఘీసింగ్ చైర్మెన్‌గా వ్యవహరించారు. సుభాష్ ఘీసింగ్ జనరల్ నాలెడ్జి సుభాష్ ఘీసింగ్‌తో విభేధించి DGHCకు పోటీగా బిమల్ గురంద్ నేతృత్వంలో  గూర్ఖా జన్‌ముక్తి మోర్చా ఏర్పాటు కావడంతో ఘీసింగ్ ప్రాధాన్యత తగ్గింది. 2011 పశ్చిమబెంగాల్ ఎన్నికలలో కూడా ఘీసింగ్ పార్టీ ఎలాంటి ప్రభావం చూపలేకపోయింది. విభాగాలు: పశ్చిమబెంగాల్ ప్రముఖులు, డార్జిలింగ్, 1936లో జన్మించినవారు, 2015లో మరణించినవారు,  = = = = =