షబ్బీర్ అలీ (Shabbir Ali)

షబ్బీర్ అలీ జననం ఫిబ్రవరి 15, 1957 పదవులు రాష్ట్ర మంత్రి, 2 సార్లు ఎమ్మెల్యే, ఎమ్మెల్సీ, నిజామాబాదు జిల్లాకు చెందిన షబ్బీర్ అలీ ఫిబ్రవరి 15, 1957న కామారెడ్డి పట్టణంలో జన్మించారు. కామర్స్ పట్టభద్రుడైన షబ్బీర్ అలీ కళాశాల దశలోనే NSUIలో చేరి ఆ తర్వాత కాంగ్రెస్ పార్టీలో ప్రవేశించారు. శాసనసభ్యుడిగా, ఉమ్మడి ఆంధ్రప్రదేశ్ రాష్ట్ర మంత్రిగా పనిచేసి ప్రస్తుతం ఎమ్మెల్సీగా వ్యవహరిస్తున్నారు. రాజకీయ ప్రస్థానం: కళాశాల దశలోనే NSUI తరఫున ఉద్యమాలు చేపట్టి ఆ తర్వాత కాంగ్రెస్ పార్టీలో పూర్తిస్థాయి కార్యకర్తగా మారి 1989లో తొలిసారి కామారెడ్డి అసెంబ్లీ నియోజకవర్గం నుంచి విజయం సాధించారు. అదే సమయంలో మర్రి చెన్నారెడ్డి మంత్రివర్గంలో ఉర్దూ, మైనార్టీ శాఖ మంత్రిపదవి పొందారు. 1994, 1999లలో పరాజయం పొందినారు. 2004లో రెండోసారి శాసనసభకు ఎన్నికై వైఎస్సార్ మంత్రివర్గంలో కొనసాగారు. 2009లో తెలుగుదేశం పార్టీకి చెందిన గంపగోవర్థన్ చేతిలో 47వేల తేడాతో భారీ పరాజయం పొందారు. 2010 ఉప ఎన్నికలలో ఎన్నికలలో పోటీచేసి మళ్ళీ ఓడిపోయారు. 2013లో ఎమ్మెల్సీగా ఎన్నికై, 2014లో శాసనసభ స్థానానికి పోటీచేసిననూ విజయం లభించలేదు. 2015 మార్చిలో తెలంగాణ శాసనమండలి విపక్షనేతగా ఎంపికయ్యారు. విభాగాలు: నిజామాబాదు జిల్లా రాజకీయ నాయకులు, కామారెడ్డి అసెంబ్లీ నియోజకవర్గం, తెలంగాణ శాసనమండలి సభ్యులు, ఉమ్మడి ఆంధ్రప్రదేశ్ మంత్రులు,   = = = = =