ఆకాశ్ క్షిపణి (Akash Missile)

క్షిపణి రకం భూమి నుంచి ఆకాశం గరిష్ట ఎత్తు 18 కిమీ ప్రవేశపెట్టిన దినం మే 5, 2015 ఆకాశ్ క్షిపణి భారతదేశం పూర్తి స్వదేశీ సాంకేతిక పరిజ్ఞానంతో తయారుచేసిన తొలి క్షిపణి. ఇది భూమి నుంచి ఆకాశంలోని శతృదేశాల యుద్ధవిమానాలను లక్ష్యంగా చేసుకొని ఎదుర్కొంటుంది. మధ్యతరహా శ్రేణికి చెందిన ఈ క్షిపణిని DRDO, ఆర్డినన్స్ కర్మాగారం, భారత్ ఎలక్టానిక్స్ లు రూపొందించాయి. 30 కిలోమీటర్ల సమీప లక్ష్యాలను గరిష్టంగా 18 కిలోమీటర్లను ఈ క్షిపణి సమర్థంగా ఎదుర్కొంటుంది. మే 5, 2015 నాడు ఈ క్షిపణిని భారత సైన్యంలో ప్రవేశపెట్టారు. మన పొరుగు దేశాలైన పాకిస్తాన్, చైనాల వద్ద ఈ రకం క్షిపణి లేదు. సుమారు రూ.600 కోట్ల వ్యయంతో, 18 సంవత్సరాల పరిశోధన అనంతరం రూపొందించిన ఈ క్షిపణి భారత రక్షణశాఖ అమ్ములపొదిలో అత్యంత అధునాతనమైన క్షిపణి. 5500 మంది శాస్త్రవేత్తలు, ఇంజనీర్లు ఈ క్షిపణి తయారీలో భాగస్వాములైనారు. అధికారికంగా భారతసైన్యంలో ప్రవేశపెట్టడానికి ముందు ఈ క్షిపణిని పలుసార్లు విజయవంతంగా ప్రయోగించి పరిశీలించారు. 25 కిలోమీటర్ల దూరంలోని లక్ష్యాలను కేవలం 35 సెకన్లలో ఛేధించడం ఈ క్షిపణి ప్రత్యేకత. ఒకేదఫా 4 లక్ష్యాలపై 8 క్షిపణులు ప్రయోగించడానికి వీలుంది. ఈ క్షిపణిని ఎక్కడికైనా తరలించడానికి కూడా సులభంగా లాంచింగ్ పాడ్ ఉంది. విభాగాలు: భారతదేశ రక్షణ వ్యవస్థ,  = = = = =