కర్రెద్దుల కమలకుమారి (Karreddula Kamala Kumari)

జననం ఆగస్టు 8, 1950 రంగం రాజకీయాలు పదవులు 2 సార్లు ఎంపి, కేంద్రమంత్రి, మరణం జూలై 17, 2014 పశ్చిమ గోదావరి జిల్లాకు చెందిన రాజకీయ నాయకురాలైన కర్రెద్దుల కమలకుమారి ఆగస్టు 8, 1950న జన్మించింది. లక్కవరంకు చెందిన కమలకుమారి ప్రారంభంలో హాస్టల్ మ్యాట్రన్‌గా, ప్రధానోపాధ్యాయురాలిగా పనిచేసి భర్త ప్రోత్సాహంతో రాజకీయాలలో ప్రవేశించి 2 సార్లు లోకసభకు ఎన్నిక కావడమే కాకుండా కేంద్రమంత్రిగానూ పనిచేసింది. జూలై 17, 2014న మరణించింది. రాజకీయ ప్రస్థానం: 1984లోనే భద్రాచలం లోకసభ స్థానం కోసం కాంగ్రెస్ పార్టీ టికెట్ ఆశించిననూ అప్పటికే 4 సార్లు ఎంపి అయిన రాధాబాయికే టికెట్ లభించింది. ఆ తర్వాత 1989లో భద్రాచలం లోకసభ నియోజకవర్గం నుంచి కాంగ్రెస్ పార్టీ తరఫున పోటీచేసి విజయం సాధించి తొలిసారి లోకసభలో ప్రవేశించారు. 1991లో మళ్ళీ అదేస్థానం నుంచి రెండోసారి ఎన్నికై పి.వి.నరసింహారావు మంత్రివర్గంలో చోటుపొందారు. 1996, 1998లలో భద్రాచలం నుంచే కాంగ్రెస్ పార్టీ తరఫున పోటీచేసిననూ సోడె రామయ్య చేతిలో ఓడిపోయారు. బంధుత్వం: ఈమె కుమారుడు అనిల్ కుమార్ కూడా రాజకీయాలలో ఉన్నారు. గతంలో ఖమ్మం జిల్లా యువజన కాంగ్రెస్ ఇంచార్జీగా పనిచేశారు. విభాగాలు: పశ్చిమగోదావరి జిల్లా రాజకీయ నాయకులు, భద్రాచలం లోకసభ నియోజకవర్గం, కేంద్రమంత్రులు, 1950లో జన్మించినవారు, 9వ లోకసభ సభ్యులు, 10వ లోకసభ సభ్యులు,  = = = = =