కెన్నెత్ ఆరో (Kenneth Arrow)

జననం ఆగస్టు 23, 1921 రంగం ఆర్థికవేత్త గుర్తింపులు ఆర్థికశాస్త్రంలో నోబెల్ బహుమతి (1972) అమెరికాకు చెందిన ప్రముఖ ఆర్థికవేత్త, నోబెల్ బహుమతి గ్రహీత అయిన కెన్నెత్ ఆరో ఆగస్టు 23, 1921న న్యూయార్క్ నగరంలో జన్మించాడు. న్యూయార్క్ సిటీ కళాశాలలో గణితశాస్త్రం లో 1940 లో డిగ్రీ పొంది, ఆ తర్వాత కొలంబియా విశ్వవిద్యాలయం లో గణితశాస్త్రంలో మాస్టర్స్ డిగ్రీని, 1950లో అర్థశాస్త్రంలో పి.హెచ్.డి.నీ పొందినాడు. తదనంతరం చికాగో, స్టాన్ఫిర్డ్ విశ్వవిద్యాలయాలలో ఆచార్యుడిగా పనిచేశాడు. అర్థశాస్త్రంలో సాధారణ సమతౌల్య సిద్ధాంతం మరియు సంక్షేమ సిద్ధాంతాలపై రచనలు చేసినందుకు 1972 లో బ్రిటీష్ ఆర్థికవేత్త జాన్ హిక్స్ తో కల్సి సంయుక్తంగా అర్థశాస్త్రపు నోబెల్ బహుమతిని పంచుకున్నాడు. మొత్తం ఆర్థిక వ్యవస్థలో ఉత్పత్తి కారకాలకు, పంపిణీకి, వినియోగానికి కల సంబంధాన్ని అతను సాధారణ సమతౌల్య సిద్ధాంతంలో వివరించినాడు. ఆధునిక ప్రజాస్వామ్య ప్రభుత్వాలు సంక్షేమం కోసం ఏయే రంగాలకు ఎంతెంత ఖర్చు చేసి గరిష్ట సంక్షేమం పొందాలనేది కూడా ఇతను వివరించినాడు. ఇతని యొక్క సంక్షేమ సిద్ధాంతం ఆరో సిద్ధాంతం గా ప్రసిద్ధి చెందింది. గణితశాస్త్రంలో అతనికి కల పరిజ్ఞానంతో గణిత సూత్రాలతో అర్థశాస్త్ర సిద్ధాంతాలు రచించి ఆ తర్వాతి ఆర్థికవేత్తలకు మార్గదర్శకుడిగా నిల్చినాడు. విభాగాలు: అమెరికా ప్రముఖులు, ఆర్థికవేత్తలు, నోబెల్ బహుమతి గ్రహీతలు, 1921లో జన్మించినవారు,,   = = = = =