ఆల్వా మిర్థాల్ (Alva Myrdal)

ఆల్వా మిర్థాల్ (1902-1986) దేశం స్వీడన్‌ రంగం రచయిత, దౌత్యవేత్త, రాజకీయాలు, పురస్కారాలు నోబెల్ శాంతి బహుమతి (1982) స్వీడన్‌కు చెందిన ప్రముఖ దౌత్యవేత్త, రాజకీయవేత్త మరియు రచయిత్రి అయిన ఆల్వా మిర్థాల్ జనవరి 31, 1902 రోజున స్వీడన్‌లో జన్మించింది. 1924 లో ఆర్థికవేత్త గున్నార్ మిర్థాల్‌ ను వివాహం చేసుకొంది. 1949-50 లో ఐక్యరాజ్య సమితి సాంఘిక కార్యకలాపాల కార్యాలయంలో, 1951-52 లో యునెస్కో యొక్క సాంఘికశాస్త్రాల విభాగానికి డైరెక్టర్‌గా, ఆ తర్వాత స్వీడన్ ప్రభుత్వపు అనేక రాయబార మరియు కేబినెట్ పదవులను నిర్వహించింది. 1962 లో ఈమె స్వీడిష్ పార్లమెంటులో ప్రవేశించింది. అదే సంవత్సరంలో జెనీవా లో జరిగిన ఐక్యరాజ్యసమితి నిరాయుధీకరణ సదస్సు కు స్వీడన్ తరఫున సదస్యురాలిగా వెళ్ళింది. 1966-73 మధ్య నిరాయుధీకరణ మంత్రిగానూ పనిచేసిన ఈమె యొక్క ప్రముఖ రచనలు The Game of Disarmament, Crisis in the Population Question. నిరాయుధీకరణకు సంబంధించిన రచనలు చేసినందుకు ఆమెకు 1982 సంవత్సరపు నోబెల్ శాంతి బహుమతి ఆల్ఫాన్సో గార్సియా రోబుల్స్‌తో కలిసి సంయుక్తంగా లభించింది. ఈమె ఫిబ్రవరి 1,1986 రోజున మరణించింది. విభాగాలు: 1902లో జన్మించినవారు, 1986లో మరణించినవారు, నోబెల్ బహుమతి గ్రహీతలు, స్వీడన్,  = = = = =