ధ్యాన్‌చంద్ (Dhyan Chand)

జననం ఆగస్టు 29, 1905 రంగం సైనికుడు, క్రీడాకారుడు, గుర్తింపులు పద్మభూషణ్ మరణం డిసెంబరు 3, 1979 భారతదేశానికి చెందిన ప్రముఖ హాకీ క్రీడాకారుడిగా పేరుపొందిన ధ్యాన్ చంద్ ఆగస్టు 29, 1905న ఉత్తరప్రదేశ్‌లోని అలహాబాదులో రాజ్‌పుత్ కుటుంబంలో జన్మించాడు. ఈయన అసలుపేరు ధ్యాన్ సింగ్. లైట్లు లేని కాలంలో హాకీ శిక్షణకై రాత్రిసమయాలలో చంద్రుని వెలుతుకై ఎదురు చూసి సహచరులచే చాంద్ పేరుతో పిల్వబడి చివరికి అది పేరులో భాగమైంది. ప్రారంభంలో ధ్యాచ్‌చంద్ బ్రిటీష్ ఇండియా ఆర్మీలో చేరి మేజర్ ర్యాంక్ పొందారు. ఆర్మీలో ఉన్నప్పుడే హాకీ లో రాటుదేలి 1928, 1932, 1936లలో భారత హాకీ జట్టులో స్థానం పొందాడు. ఈ 3 ఒలింపిక్స్‌లలో భారత్ స్వర్ణం సాధించుటలో ధ్యాన్‌చం కీలకపాత్ర పోషించాడు. భారతదేశపు హాకీ మాంత్రికుడిగా పేరుపొందిన ఈయన 1926-49 కాలంలో 185 అంతర్జాతీయ మ్యాచ్‌లు ఆడి 570 గోల్స్ సాధించాడు. తన ఆత్మకథను "గోల్" పేరిట గ్రంథస్తం చేసిన చాంద్ డిసెంబరు 3, 1979న ఢిల్లీలో మరణించాడు. ఈయన భారత క్రీడారంగానికి చేసిన సేవలకుగాను 1956లో భారత ప్రభుత్వం నుంచి పద్మభూషణ్ పురస్కారం పొందారు. ఆయన జన్మదినమైన ఆగస్టు 29ను జాతీయ క్రీడాదినోత్సవంగా భారత ప్రభుత్వం ప్రకటించింది. రాష్ట్రపతిచే పలు క్రీడా అవార్డులు ఈ రోజున ప్రధానం చేయబడతాయి. 1980లో ధ్యాన్‌చంద్ ముఖచిత్రంతో తపాలాబిళ్ళ విడుదల చేయబడింది. 2002 నుంచి ధ్యాన్ చంద్ పేరిట అత్యుత్తమ క్రీడాకారులకు లైఫ్‌టైమ్‌ అచీవ్ మెంట్ అవార్డులు ప్రధానం చేస్తున్నారు. 2002లో ఢిల్లీలోని నేషనల్ స్టేడియంకు ధ్యాన్‌చంద్ స్టేడియంగా నామకరణం చేయబడింది.  2014లో ధ్యాన్‌చంద్ కు భారతరత్న అవార్డు ఇవ్వాలనే ప్రతిపాదన కూడా వచ్చింది. చివరికి ఈ పురస్కారం సీఎన్నార్ రావుతో పాటు సచిన్ టెండుల్కర్‌కు లభించింది. ఇవి కూడా చూడండి: క్రీడలు || పోటీపరీక్షలలో వచ్చే ముఖ్యమైన ప్రశ్నలు (యూట్యూబ్ వీడియో), ధ్యాన్‌సింగ్ స్టేడియం (ఢిల్లీ), గోల్ (ధ్యాచ్‌చంద్ ఆత్మకథ), హోం విభాగాలు: భారత ప్రముఖ హాకీ క్రీడాకారులు, ఉత్తరప్రదేశ్ ప్రముఖులు,  = = = = =