నితిన్ గడ్కరి (Nitin Gadkari)

జననం మే 27, 1957 స్వస్థలం నాగ్పూర్ పదవులు భాజపా అధ్యక్షుడు (2009-13), కేంద్రమంత్రి (2014-) రాజకీయ నాయకుడిగా, వ్యాపారవేత్తగా, న్యాయవాదిగా పేరుపొందిన నితిన్ గడ్కరి మే 27, 1957న నాగ్పూర్‌లో జన్మించారు. భారతీయ జనతాపార్టీకి చెందిన గడ్గరి మహారాష్ట్ర మంత్రిగా, మహరాష్ట్ర భాజపా అధ్యక్షుడిగా, భాజపా జాతీయ అధ్యక్షుడిగా పనిచేసి 2014 నుంచి కేంద్రమంత్రివర్గంలో ఉన్నారు. విద్యార్థిదశలోనే ఆరెస్సెస్, ఏబివిపి కార్యకర్తగా పనిచేసిన నితిన్ గడ్గరి 1979లో విదర్భ ప్రాంత ఏబివిపి కార్యదర్శి అయ్యారు. 1985లో భాజపా నాగ్పూర్ నగర శాఖ కార్యదర్శి పదవి పొంది అదే ఏడాది తొలిసారి నాగూర్ నుంచి శాసనసభకు పోటీచేసి ఓడిపోయారు. ఆ తర్వాత 1989 నుంచి వరుసగా 3 సార్లు నాగ్పూర్ పట్టభద్రుల స్థానం నుంచి ఎమ్మెల్సీగా ఎన్నికైనారు. మహారాష్ట్ర మంత్రివర్గంలో (PWD మంత్రిగా) ఉంటూ ముంబాయిలో ఫైఓవర్ల నిర్మాణం చేపట్టి మంచి పేరుపొందారు. 2004లో మహారాష్ట్ర భాజపా అధ్యక్ష పదవి చేపట్టారు. 2009లో రాజ్‌నాథ్ సింగ్ తర్వాత భాజపా జాతీయ అధ్యక్షుడిగా బాధ్యతలు చేపట్టి 2013 వరకు ఆ పదవిలో ఉన్నారు. 2014 నుంచి నరేంద్రమోడి మంత్రివర్గంలో కొనసాగుతున్నారు. ఇవి కూడా చూడండి: నరేంద్రమోడి మంత్రివర్గం, భాజపా అధ్యక్షులు, హోం విభాగాలు: భాజపా జాతీయ అధ్యక్షులు, కేంద్రమంత్రులు, మహారాష్ట్ర ప్రముఖులు, భారతీయ జనతాపార్టీ,  = = = = =