భీమానది (Bhima River)

భీమానది మహారాష్ట్రలోని పశ్చిమ కనుమలలో భీమశంకర్ కొండలలో జన్మించి మహారాష్ట్ర, కర్ణాటకల గుండా ప్రవహించి మహబూబ్‌నగర్ జిల్లా మాగనూరు మండలంలో తెలంగాణలో ప్రవేశిస్తుంది. మన రాష్ట్రంలో కొద్దిదూరమే ప్రవహించి తంగడి సమీపంలో కృష్ణానదిలో సంగమిస్తుంది. ఈ నది మొత్తం పొడవు 861 కిమీ, పరీవాహక ప్రాంతం సుమారు 70వేల చకిమీ. మూల, ముత్త, గోధ్, మాన్, నీరా, సినా, కాగ్నానది ఈ నదియొక్క ముఖ్యమైన ఉపనదులు. మహారాష్ట్ర, కర్ణాటకలలో ఈ నదిపై 22 డ్యాంలు నిర్మించారు. అందులో ఉజ్జాని డ్యాం ముఖ్యమైనది. మనరాష్ట్రంలోని మహబూబ్‌నగర్ జిల్లాలో ఈ నదిపై భీమా ఎత్తిపోతల పథకం ప్రాజెక్టు రూపకల్పన చేయబడింది. ఈ నదితీరాన పలు అధ్యాత్మిక క్షేత్రాలు ఉన్నాయి. పండరీపురం విఠోబా ఆలయం, భీమశంకరం (ద్వాదశ జ్యోతిర్లింగాలలో ఒకటి), దత్తాత్రేయ ఆలయం,  ఇందులో ముఖ్యమైనవి. భీమశంకరం వన్యమృగ సంరక్షణ కేంద్రం కూడా ఈ నది ఒడ్డునే ఉంది. ఇవి కూడా చూడండి: విభాగాలు: మహబూబ్‌నగర్ జిల్లా నదులు, మహారాష్ట్ర నదులు, కర్ణాటక నదులు, = = = = =  సంప్రదించిన గ్రంథాలు, వెబ్‌సైట్లు: ఆంగ్ల వికీపీడియా, జలవనరులు (సిద్ధాని నాగభూషణం),