ఖమ్మం లోకసభ నియోజకవర్గం (Khammam Loksabha Constituency)

ఖమ్మం లోకసభ నియోజకవర్గం జిల్లా ఖమ్మం ప్రస్తుత ఎంపి నామా నాగేశ్వరరావు పార్టీ తెరాస తెలంగాణలోని 17 లోకసభ నియోజకవర్గాలలో ఇది ఒకటి. ఈ లోకసభ నియోజక వర్గంలో 7 అసెంబ్లీ నియోజక వర్గ సెగ్మెంట్లు ఉన్నాయి. 2019లో జరిగిన 17వ లోకసభ ఎన్నికలలో ఈ నియోజకవర్గం నుంచి తెరాసకు చెందిన నామా నాగేశ్వరరావు ఎన్నికయ్యారు. నియోజకవర్గ చరిత్ర: ఈ నియోజకవర్గానికి ఇప్పటివరకు 16 సార్లు ఎన్నికలు జరుగగా 11 సార్లు కాంగ్రెస్ పార్టీ విజయం సాధించింది. తొలి 2 ఎన్నికలలో పీడీఎఫ్ విజయం సాధించగా ఆ తర్వాత వరుసగా 8 సార్లు కాంగ్రెస్ పార్టీ అభ్యర్థులే గెలుపొందినారు. 1996లో సీపీఐ ఆ తర్వాత మళ్ళీ వరుసగా 3 సార్లు కాంగ్రెస్ పార్టీ విజయం సాధించింది. 2009లో తెలుగుదేశం పార్టీ తొలి విజయాన్ని నమోదు చేసింది. 2014లో వైకాపా అభ్యర్థి విజయం సాధించారు. కేంద్రమంత్రులు: ఈ నియోజకవర్గం నుంచి గెలుపొందిన ఇద్దరు కేంద్రంలో మంత్రిపదవులు పొందారు. 1991లో విజయం సాధించిన పి.వి.రంగయ్యనాయుడు పి.వి.నరసింహరావు మంత్రివర్గంలో కేంద్రమంత్రిపదవి నిర్వహించగా 2004లో ఇక్కడి నుంచి గెలుపొందిన రేణుకాచౌదరి మన్మోహన్ సింగ్ మంత్రివర్గంలో స్థానం పొందారు. అంతేకాకుండా ఈ నియోజవర్గం నుంచి లోక్‌సభ సభ్యులుగా ఎన్నికైన జగలం వెంగళరావు, నాదెండ్ల భాస్కరరావులు ఉమ్మడి ఆంధ్రప్రదేశ్ ముఖ్యమంత్రులుగా కూడా పనిచేశారు. దీని పరిధిలోని అసెంబ్లీ నియోజకవర్గాలు ఖమ్మం అసెంబ్లీ నియోజకవర్గం, పాలేరు అసెంబ్లీ నియోజకవర్గం, మధిర అసెంబ్లీ నియోజకవర్గం (ఎస్సీ) వైరా అసెంబ్లీ నియోజకవర్గం (ఎస్టీ) సత్తుపల్లి అసెంబ్లీ నియోజకవర్గం (ఎస్సీ) కొత్తగూడెం అసెంబ్లీ నియోజకవర్గం అశ్వారావుపేట అసెంబ్లీ నియోజకవర్గం (ఎస్టీ) ఎన్నికైన పార్లమెంటు సభ్యులు  లోక్‌సభ పదవీకాలం సభ్యుని పేరు ఎన్నికైన పార్టీ 1వ 1952-57 టి.బి.విఠల్ రావు పీడీఎఫ్ 2వ 1957-62 టి.బి.విఠల్ రావు పీడీఎఫ్ 3వ 1962-67 తేళ్ల లక్ష్మీకాంతమ్మ కాంగ్రెస్ పార్టీ 4వ 1967-71 తేళ్ల లక్ష్మీకాంతమ్మ కాంగ్రెస్ పార్టీ 5వ 1971-77 తేళ్ల లక్ష్మీకాంతమ్మ కాంగ్రెస్ పార్టీ 6వ 1977-80 జలగం కొండలరావు కాంగ్రెస్ పార్టీ 7వ 1980-84 జలగం కొండలరావు కాంగ్రెస్ పార్టీ 8వ 1984-89 జలగం వెంగళరావు కాంగ్రెస్ పార్టీ 9వ 1989-91 జలగం వెంగళరావు కాంగ్రెస్ పార్టీ 10వ 1991-96 పి.వి.రంగయ్య నాయుడు కాంగ్రెస్ పార్టీ 11వ 1996-98 తమ్మినేని వీరభద్రం సీపీఎం 12వ 1998-99 నాదెండ్ల భాస్కరరావు కాంగ్రెస్ పార్టీ 13వ 1999-04 రేణుకా చౌదరి కాంగ్రెస్ పార్టీ 14వ 2004-09 రేణుకా చౌదరి కాంగ్రెస్ పార్టీ 15వ 2009-14 నామా నాగేశ్వరరావు తెలుగుదేశం పార్టీ 16వ 2014-19 శ్రీనివాస్ రెడ్డి వైకాపా 17వ 2019- నామా నాగేశ్వరరావు తెరాస 2009 ఎన్నికలు 2009 ఎన్నికలలో ఈ నియోజకవర్గం నుంచి తెలుగుదేశం పార్టీకి చెందిన నామా నాగేశ్వరరావు తన సమీప ప్రత్యర్థి, సిటింగ్ ఎంపీ, కాంగ్రెస్ పార్టీ అభ్యర్థి రేణుకా చౌదరిని 124448 ఓట్ల తేడాతో ఓడించారు. నామా నాగేశ్వరరావుకు 469368 ఓట్లు రాగా, రేణుకాచౌదరికి 344920 ఓట్లు లభించాయి. ప్రజారాజ్యం పార్టీ అభ్యర్థి జె.హేమమాలిని 3వ స్థానంలో నిలిచారు. 2014 ఎన్నికలు: 2014 ఎన్నికలలో ఈ నియోజకవర్గం నుంచి 27 అభ్యర్థులు పోటీచేశారు.వైఎస్సార్ కాంగ్రెస్ పార్టీ తరఫున పోటీచేసిన శ్రీనివాస్ రెడ్డి తన సమీప ప్రత్యర్థి తెలుగుదేశం పార్టీ అభ్యర్థి, సిటింగ్ ఎంపి అయిన నామా నాగేశ్వరరావుపై 10162 ఓట్ల ఆధిక్యతతో విజయం సాధించి తొలిసారి లోకసభలో ప్రవేశించారు. 2019 ఎన్నికలు: 2019 ఎన్నికలలో ఇక్కడి నుంచి తెరాసకు చెందిన నామా నాగేశ్వరరావు తన సమీప ప్రత్యర్థి కాంగ్రెస్ పార్టీకి చెందిన రేణుకా చౌదరిపై 168062 ఓట్ల మెజారిటీతో విజయం సాధించారు. తెరాస అభ్యర్థికి 567459 ఓట్లు రాగా, కాంగ్రెస్ పార్టీ అభ్యర్థికి 399397 ఓట్లు లభించాయి. సీపీఎంకు చెందిన బోడ వెంకట్ 57,102 ఓట్లతో మూడోస్థానంలో, భాజపాకు చెందిన దేవకి వాసుదేవరావు 20,488 ఓట్లతో నాలుగో స్థానంలో, జనసేనకు చెందిన నారాల సత్యనారాయణ 19,315 ఓట్లతో ఐదోస్థానంలో నిలిచారు.   విభాగాలు: ఖమ్మం జిల్లా నియోజకవర్గాలు, ఖమ్మం లోకసభ నియోజకవర్గం, తెలంగాణ లోక్‌సభ నియోజకవర్గాలు,  = = = = =