బెజవాడ గోపాలరెడ్డి (Bejawada Gopala Reddy)

బెజవాడ గోపాలరెడ్డి (1907-1997) జననం ఆగస్టు 7, 1907 స్వస్థలం బుచ్చిరెడ్డిపాలెం పదవులు ముఖ్యమంత్రి, కేంద్రమంత్రి, ఉత్తరప్రదేశ్ గవర్నరు, మరణం మార్చి9, 1997 బెజవాడ గోపాలరెడ్డి ఆగస్టు 7, 1907న నెల్లూరు జిల్లా బుచ్చిరెడ్డిపాలెంలో జన్మించారు. స్వస్థలంలోనే హైస్కూలు విద్య పూర్తిచేసి బందరు జాతీయ కళాశాలలో చేరారు. 1927 లో శాంతినికేతన్ లోని విశ్వభారతి విశ్వవిద్యాలయంలో స్నాతకోత్తర విద్యను పూర్తి చేసారు. యుక్త వయస్సులోనే జాతీయోద్యమంలో చేరి జైలుకువెళ్ళారు. జాతీయోద్యమంలో ఉంటూనే సాహితీవేత్తగా పేరుపొందారు. యువదశలోనే రాజాజీ మంత్రివర్గంలో స్థానం పొందారు. 1955లో ఆంధ్రరాష్ట్ర ముఖ్యమంత్రి పదవి పొందారు. 1956లో ఆంధ్రప్రదేశ్ ఏర్పడిన పిదప ఉప ముఖ్యమంత్రి లభించింది. ఆ తర్వాత నెహ్రూ మంత్రివర్గంలో కేంద్రమంత్రిగా పనిచేశారు. కామరాజ్ ప్రణాళిక ప్రకారం కేంద్రమంత్రివర్గం నుంచి వైదొలిగి ఆ తర్వాత ఉత్తరప్రదేశ్ గవర్నరుగా పనిచేశారు. మార్చి9, 1997న మరణించారు. సాహితీవేత్తగా: జాతీయోద్యమంలో ఉన్నప్పుడే గోపాలరెడ్డి సాహితీవేత్తగా పేరుపొందారు. 1946 నుండి తెలుగుభాషా సమితి అధ్యక్షులుగా వ్యవహరించారు. 1957 నుండి 82 వరకు ఆంధ్రప్రదేశ్ సాహిత్య అకాడమీకి అధ్యక్షులుగా పాతికేళ్ళు పనిచేశారు. 1963 నుండి ఎనిమిదేళ్ళు జ్ఞాన్‌పీఠ్ అధ్యక్షులుగా, 1978 నుండి కేంద్ర సాహిత్య అకాడమీ కార్యనిర్వాహక సభ్యులుగా కొనసాగినారు. గోపాలరెడ్డి రవీంద్రుని గ్రంథాలను తెలుగులోకి అనువదించారు. తొలుత అనువాదాలతో ప్రారంభించి డెబ్బయివ ఏట స్వతంత్ర రచనలు మొదలుపెట్టారు. 1978లో తొలి స్వీయ కవితాసంపుటి వెలువరించారు.  కుటుంబం: గోపాలరెడ్డి తిక్కవరపు రామిరెడ్డి కుమార్తె లక్ష్మీకాంతమ్మను వివాహమాడారు. వారికి ముగ్గురు కుమారులు, ఒక కుమార్తె ఉన్నారు.  విభాగాలు: నెల్లూరు జిల్లా ప్రముఖులు, నెల్లూరు జిల్లా రాజకీయ నాయకులు, బుచ్చిరెడ్డిపాలెం మండలం, కేంద్రమంత్రులు, ముఖ్యమంత్రులు, ఉత్తరప్రదేశ్ గవర్నర్లు, 1907లో జన్మించినవారు, 1997లో మరణించినవారు.  = = = = =