అంజలీ దేవి (Anjali Devi)

అంజలీ దేవి జననం ఆగష్టు 24, 1927 రంగం సినీనటి, నిర్మాత అవార్డులు రఘుపతి వెంకయ్య అవార్డు (2005), మరణం 13 జనవరి, 2014 తొలితరం సినిమా నటి అంజలీదేవి 1927 ఆగష్టు 24న తూర్పుగోదావరి జిల్లా పెద్దాపురంలో జన్మించారు. ఈమె అసలుపేరు అంజనీ కుమారి. నర్తకిగా నటనాజీవనం ప్రారంభించి, సినీనటిగా 500పైగా చిత్రాలలో నటించడమే కాకుండా, నిర్మాతగా కూడా పలు చిత్రాలు నిర్మించింది. 2005లో రఘుపతి వెంకయ్య అవార్డు పొందినది. ఈమె భర్త పి.ఆదినారాయణరావు కూడా సినీరంగంలో దర్శకుడిగా పేరుగాంచారు. అంజలీ దేవి చెన్నైలో 13 జనవరి, 2014న 86 సంవత్సరాల వయస్సులో మరణించింది. సినీప్రస్థానం: అంజలీదేవి తొలిసారిగా లోహితాస్య పాత్రతో రాణించి, రాజాహరిశ్చంద్ర సినిమాలో తొలిసారిగా సినీరంగానికి పరిచయమై, లవకుశ సినిమాలో సీత పాత్రతో గుర్తింపు పొంది పలు హిట్ చిత్రాలలో తన నటనతో ప్రేక్షకుల మనసుదోచి 500కు పైగా సినిమాలలో నటించింది. సువర్ణసుందరి, లవకుశ, బాలనాగమ్మ, అనార్కలి, చెంచులక్ష్మి, భట్టివిక్రమార్క లాంటి ప్రజాదరణ పొందిన తెలుగు చిత్రాలలో నటించడమే కాకుండా పలు హిందీ సినిమాలలో కూడా నటించింది. అంజలీ పిక్చర్స్ సంస్థను స్థాపించి చండీప్రియ, భక్త తుకారాం, అనార్కలి లాంటి 27  సినిమాలకు నిర్మాతగా వ్యవహరించింది. 1995లో రఘుపతి వెంకయ్య అవార్డు స్వీకరించింది. ఇవి కూడా చూడండి: రఘుపతి వెంకయ్య అవార్డు గ్రహీతలు, విభాగాలు: తెలుగు సినిమా నటులు, తూర్పు గోదావరి జిల్లా ప్రముఖులు, 1927లో జన్మించినవారు, 2014లో మరణించినవారు,  = = = = = సంప్రదించిన గ్రంథాలు, వెబ్‌సైట్లు: వెంకయ్య అవార్డు వెలుగులు (రచన: హెచ్.రమేష్ బాబు),  తెలుగు సినిమా నటులు,