కందూర్ (Kandur)

కందూర్ గ్రామము గ్రామము కందూర్  మండలము అడ్డాకల్  జిల్లా మహబూబ్‌నగర్ జనాభా 4490 (2001) 5121 (2011) కందూర్ మహబూబ్‌నగర్ జిల్లా అడ్డాకల్ మండలమునకు చెందిన గ్రామము. ఇది పంచాయతి మరియు ఎంపీటీసి కేంద్రము. ఈ గ్రామము చారిత్రక ప్రాధాన్యతను కలిగియుంది. దక్షిణాపథంలోని ప్రసిద్ధ రాజవంశం కదంబ వంశం మూలపురుషుడైన మయూరశర్మ కందూరు వాసిగా చరిత్ర తెలుపుతోంది. చోళులు కందూరును రాజధానిగా చేసుకొని పాలించి కందూరు చోడులుగా ప్రసిద్ధి చెందినారు. గ్రామసమీపంలో ప్రసిద్ధమైన శ్రీరామలింగేశ్వరాలయం ఉంది. ఏటా కృష్ణమాంబ ఆరాధన ఉత్సవాలు నిర్వహిస్తారు. ప్రముఖ సమరయోధుడు వకీల్ భీమయ్య ఈ గ్రామానికి చెందినవారు. జనాభా: 2001 లెక్కల ప్రకారం గ్రామ జనాభా 4490. ఇందులో పురుషులు 2204, మహిళలు 2286. గృహాల సంఖ్య 873. 2011 గణన ప్రకారం గ్రామ జనాభా 5121. ఇందులో పురుషులు 2549, మహిళలు 2572. గృహాల సంఖ్య 1036. అక్షరాస్యత శాతం 44.89%. గ్రామ కోడ్ సంఖ్య 575812. రాజకీయాలు: 2013, జూలై 30న జరిగిన గ్రామపంచాయతి ఎన్నికలలో గ్రామ సర్పంచిగా కె.నాగిరెడ్డి ఎన్నికయ్యారు. 2014 ఎంపీటీసి ఎన్నికలలో ఇక్కడి నుంచి తెరాస పార్టీకి చెందిన గొల్లమాడ విజయలక్ష్మి ఎన్నికయ్యారు. నీటిపారుదల: గ్రామపరిధిలో 149 ఎకరాల ఆయకట్టు ఉన్న దేవునిచెరువు ఉంది. 2015 మార్చిలో మిషన్ కాకతీయలో భాగంగా చెరువు పునరుద్ధరణకు అనుమతి ప్రభుత్వ లభించింది. కాలరేఖ: 2015, ఫిబ్రవరి 2: కందూర్ మాజీ సర్పంచి కారెడ్డి వెంకటరెడ్డి మరణించారు. ఈయన 1981-93 కాలంలో 2 సార్లు సర్పంచిగా పనిచేశారు. వనపర్తి తాలుకా భాజపా అధ్యక్షుడిగా కూడా పనిచేశారు. విభాగాలు: అడ్డాకల్ మండలంలోని గ్రామాలు,   = = = = = సంప్రదించిన గ్రంథాలు, వెబ్‌సైట్లు: Handbook of Census Statistics, Mahabubnagar Dist 2001, Census Statistics, Mahabubnagar Dist, 2011, బ్లాగురచయిత పర్యటించి తెలుసుకున్న, సేకరించిన విషయాలు,