టి.జీవన్ రెడ్డి (T.Jeevan Reddy)

టి. జీవన్‌రెడ్డిడి జననం మే 1, 1952 స్వస్థలం బతికపల్లి (జగిత్యాల జిల్లా) పదవులు రాష్ట్ర మంత్రి, 6 సార్లు ఎమ్మెల్యే, నియోజకవర్గం జగిత్యాల అ/ని, తాటిపర్తి జీవన్‌రెడ్డి జగిత్యాల జిల్లా పెగడపల్లి మండలం బతికపల్లిలో మే 1, 1952న జన్మించారు. ఉస్మానియా విశ్వవిద్యాలయం నుంచి బీఏ, ఎల్‌ఎల్‌బి పూర్తిచేశారు. జీవన్‌రెడ్డి జగిత్యాల నియోజకవర్గం నుంచి 6 సార్లు శాసనసభకు ఎన్నికైనారు. 2007-09 కాలంలో రాష్ట్ర మంత్రివర్గంలో రోడ్డు-భవనాల శాఖ మంత్రిగా పనిచేశారు. 2019లో శాసనమండలికి ఎన్నికయ్యారు. రాజకీయ ప్రస్థానం: జీవన్ రెడ్డి 1983లో తెలుగుదేశం పార్టీ తరఫున జగిత్యాల నుంచి ఎన్నికై తొలిసారి శాసనసభలో ప్రవేశించారు. 1985లో కాంగ్రెస్ పార్టీ తరఫున పోటి చేసి ఓడిపోయారు. 1989లో విజయం సాధించి రెండోసారి ఎమ్మెల్యే అయ్యారు. 1994లో ఎల్.రమణ చేతిలో ఓడిపోయారు. 1996 ఉప ఎన్నికలలో గెలిచి మూడోసారి ఎమ్మెల్యే అయ్యారు. 1999, 2004లలో కూడా విజయం సాధించి మొత్తం 5 సార్లు శాసనసభలో ప్రవేశించారు. 2007-09 కాలంలో వైఎస్సార్ మంత్రివర్గంలో రోడ్డు భవనాల శాఖ మంత్రిగా పనిచేశారు. 2008లో కరీంనగర్ లోకసభ నియోజకవర్గం ఉప ఎన్నికలలో పోటీచేసి తెరాస అధ్యక్షుడు కల్వకుంట్ల చంద్రశేఖరరావు చేతిలో 18వేల ఓట్లతో ఓడిపోయారు. 2009లో ఎల్.రమణ చేతిలో పరాజయం పొందినారు. 2014లో జగిత్యాల నుంచి ఎన్నికై 6వ సారి ఎమ్మెల్యే అయ్యారు. 2018 శాసనసభ ఎన్నికలలో పరాజయం పొందిననూ, 2019 ఎమ్మెల్సీ ఎన్నికలలో (పట్టభద్రుల నియోజకవర్గం) విజయం సాధించారు. ఇవి కూడా చూడండి: పెగడపల్లి మండలం, హోం, విభాగాలు: జగిత్యాల జిల్లా ప్రముఖులు, 7వ శాసనసభ సభ్యులు, 9వ శాసనసభ సభ్యులు, 10వ శాసనసభ సభ్యులు, 11వ శాసనసభ సభ్యులు, 12వ శాసనసభ సభ్యులు, 12వ శాసనసభ మంత్రులు,   = = = = =