మహేశ్వరం అసెంబ్లీ నియోజకవర్గం (Maheshwaram Assembly Constituency)

మహేశ్వరం అసెంబ్లీ నియోజకవర్గం రంగారెడ్డి జిల్లాలోని 14 అసెంబ్లీ నియోజకవర్గాలలో ఒకటి. ఈ సెగ్మెంట్ చేవెళ్ళ లోకసభ నియోజకవర్గంలో భాగముగా ఉన్నది. 2009లో నియోజకవర్గాల పునర్విభజనలో ఇది కొత్తగా ఏర్పడింది. పునర్విభజనకు ముందు ఈ ప్రాంతం ఇబ్రహీంపట్నం, మలక్‌పేట్ అసెంబ్లీ నియోజకవర్గాలలో భాగంగా ఉండేది. ఈ నియోజకవర్గంలోని మండలాలు: మహేశ్వరం, కందుకూర్‌, సరూర్‌నగర్‌ మండలంలోని కొన్ని గ్రామాలు, సంవత్సరం గెలుపొందిన సభ్యుడు పార్టీ ప్రత్యర్థి ప్రత్యర్థి పార్టీ 2009 సబితా ఇంద్రారెడ్డి కాంగ్రెస్ పార్టీ   తీగల కృష్ణారెడ్డి తెలుగుదేశం పార్టీ 2014 తీగల కృష్ణారెడ్డి తెలుగుదేశం పార్టీ మల్‌రెడ్డి రంగారెడ్డి కాంగ్రెస్ పార్టీ 2018 సబితా ఇంద్రారెడ్డి కాంగ్రెస్ పార్టీ తీగల కృష్ణారెడ్డి తెరాస 2009 ఎన్నికలు: 2009లో జరిగిన శాసనసభ ఎన్నికలలో ఈ నియోజకవర్గం నుంచి కాంగ్రెస్ పార్టీ అభ్యర్థి, చేవెళ్ళ సిటింగ్ ఎమ్మెల్యే సబితా ఇంద్రారెడ్డి తన సమీప ప్రత్యర్థి, తెలుగుదేశం పార్టీ అభ్యర్థి, హైదరాబాదు మేయరుగా పనిచేసిన తీగల కృష్ణారెడ్డిపై 7829 ఓట్ల ఆధిక్యతతో విజయం సాధించారు. గతంలో 2 సార్లు చేవెళ్ళ నుంచి విజయం సాధించిన సబితా ఇంద్రారెడ్డి ఆ స్థానం రిజర్వ్‌డ్ కావడంతో మహేశ్వరం నుంచి పోటీచేశారు. మహాకూటమి పొత్తులో భాగంగా ఈ స్థానం తెరాసకు వెళ్ళిననూ చివరి నిమిషంలో తెలుగుదేశం పార్టీ తీగల కృష్ణారెడ్డికి బీ-ఫారం ఇచ్చింది. 2014 ఎన్నికలు: 2014 ఎన్నికలలో ఇక్కడి నుంచి తెలుగుదేశం పార్టీ అభ్యర్థి తీగల కృష్ణారెడ్డీ తన సమీప ప్రత్యర్థి కాంగ్రెస్ పార్టీకి చెందిన మల్‌రెడ్డి రంగారెడ్డిపై 40784 ఓట్ల ఆధిక్యతతో విజయం సాధించి తొలిసారి శాసనసభలో ప్రవేశించారు. 2018 ఎన్నికలు: 2018 ఎన్నికలలో తెరాస తరఫున తీగల కృష్ణారెడ్డి, భాజపా తరఫున అందెల శ్రీరాములు యాదవ్, జనకూటమి తరఫున కాంగ్రెస్ పార్టీకి చెందిన సబితా ఇంద్రారెడ్డి పోటీచేశారు. కాంగ్రెస్ పార్టీకి చెందిన పట్లోళ్ళ సబితా ఇంద్రారెడ్డి తన సమీప ప్రత్యర్థి, తెరాసకు చెందిన తీగల కృష్ణారెడ్డి పై 9227 ఓట్ల మెజారిటీతో విజయం సాధించారు. విభాగాలు: రంగారెడ్డి జిల్లా అసెంబ్లీ నియోజకవర్గాలు, చేవెళ్ళ లోకసభ నియోజకవర్గం, మహేశ్వరం అసెంబ్లీ నియోజకవర్గం,    = = = = =