నరేంద్ర మోడి (Narendra Modi)

నరేంద్ర మోడి జననం 17 సెప్టెంబరు, 1950 స్వస్థలం వాద్‌నగర్ (గుజరాత్) పదవులు గుజరాత్ ముఖ్యమంత్రి (2001-2014) ప్రధానమంత్రి (2014-) భారతీయ జనతాపార్టీకి చెందిన ప్రముఖ రాజకీయ నాయకుడైన నరేంద్రమోడి 1950 సెప్టెంబర్ 17న జన్మించారు. 2001 నుంచి గుజరాత్ ముఖ్యమంత్రిగా ఉన్న మోడి రాష్ట్రాన్ని ప్రగతిపథంలోకి నడిపిస్తూ దేశంలోనే అగ్రస్థానంలో నిలబెట్టారు. 2014 ఎన్నికలలో భాజపా తరఫున ప్రధానమంత్రి అభ్యర్థిగా పోటీలో ఉండి భాజపాకు పూర్తి మెజారిటి సాధించిపెట్టారు.2014, మే 26న మోడీ భారతదేశ 15వ ప్రధానమంత్రిగా ప్రమాణస్వీకారం చేశారు. 2019 లోక్‌సభ ఎన్నికలలో కూడా మోడి నేతృత్వంలోని ఎన్డీఏ కూటమి పూర్తి మెజారిటి సాధించింది. రాజకీయ ప్రస్థానం: 1987లో నరేంద్ర మోడి భారతీయ జనతా పార్టీలో ప్రవేశించినారు. కొద్దికాలంలోనే రాష్ట్ర భాజపా ప్రధాన కార్యదర్శి పదవిని చేపట్టారు. 1990లో లాల్ కృష్ణ అద్వానీ చేపట్టిన అయోధ్య రథయాత్రకు, 1992లో మరళీ మనోహర్ జోషి చేపట్టిన కన్యాకుమారి-కాశ్మీర్ రథయాత్రకు ఇంచార్జీగా పనిచేశారు.1998లో భాజపా జాతీయ ప్రధాన కార్యదర్శిగా నియమించబడ్డారు. ఆ తర్వాత జరిగిన ఎన్నికలలో భాజపా విజయం సాధించింది. పార్టీలో సీనియర్ నాయకుడైన కేశూభాయి పటేల్ ముఖ్యమంత్రి అయ్యారు. ఆ సమయంలో గుజరాత్‌లో సంభవించిన పెను భూకంపం తర్వాత సహాయ కార్యక్రమాలు చేపట్టడంలో కేశూభాయి ప్రభుత్వం విఫలమైందని ప్రతిపక్షాలు విమర్శించడంతో భాజపా నాయకత్వం 2001 అక్టోబరులో నరేంద్ర మోడిని గుజరాత్ ముఖ్యమంత్రి పీఠంపై అధిష్టించింది. అప్పటి నుంచి మే 21, 2014న ప్రధానమంత్రి పదవి అధిష్టించడానికి వీలుగా రాజీనామా చేసేవరకు గుజరాత్ ముఖ్యమంత్రిగా నరేంద్ర మోడీనే కొనసాగారు. 2014 సార్వత్రిక ఎన్నికలలో ప్రధానమంత్రి అభ్యర్థిగా ముందుండి భాజపాను, ఎన్డీఏని విజయపథంలో నడిపించడమే కాకుండా మోడి స్వయంగా వడోడర మరియు వారణాసిల నుంచి విజయం సాధించారు. 2014, మే 26న మోడీ భారతదేశ 15వ ప్రధానమంత్రిగా ప్రమాణస్వీకారం చేశారు. 2019 లోక్‌సభ ఎన్నికలలో కూడా మోడి నేతృత్వంలోని ఎన్డీఏ కూటమి పూర్తి మెజారిటి సాధించింది. ఇవి కూడా చూడండి: నరేంద్ర మోడి || జీవితచరిత్ర 20 ముఖ్యమైన విషయాలు (యూట్యూబ్), విభాగాలు: భారతదేశ ప్రధానమంత్రులు,  భారతదేశ రాజకీయ నాయకులు,  గుజరాత్ ముఖ్యమంత్రులు, 1950లో జన్మించినవారు,  భారతీయ జనతా పార్టీ రాజకీయ నాయకులు,   = = = = =

Narendra Modi Biography in Telugu, Famous Indians Biography