ఆనందిబెన్ పటేల్ (Anandiben Patel)

ఆనందిబెన్ పటేల్ (గుజరాత్ ముఖ్యమంత్రి) జననం నవంబరు 21, 1941 స్వస్థలం ఖరోడ్ (మెహసానా జిల్లా) పదవులు రాజ్యసభ సభ్యులు, ముఖ్యమంత్రి, గుజరాత్ ముఖ్యమంత్రిగా ఉన్న ఆనందిబెన్ జేతాభాయి పటేల్ నవంబరు 21, 1941న గుజరాత్‌లోని మెహసానా జిల్లాలో జన్మించారు. 30 సంవత్సరాలు అధ్యాపక వృత్తిలో కొనసాగి 1987లో ఒక సంఘటనలో సాహసంతో ఇద్దరు బాలికలను రక్షించి భారతీయ జనతాపార్టీ ఆహ్వానంతో రాజాకీయాలలో ప్రవేశించారు. ఆనందిబెన్ పటేల్ శాసనసభ్యులుగా, రాజ్యసభ సభ్యులుగా, గుజరాత్ మహిళా మోర్చా అధ్యక్షులుగా, రాష్ట్ర మంత్రిగా వ్యవహరించి 2014 మేలో గుజరాత్ ముఖ్యమంత్రి పదవి పొంది ఆ రాష్ట్ర తొలి మహిళా ముఖ్యమంత్రిగా రికార్డు సృష్టించారు. రాజకీయ ప్రస్థానం: 1987 నుంచి భాజపాలో ఉన్న ఆనందిబెన్ తన 1994 లో రాజ్యసభ సభ్యులుగా ఎన్నికయ్యారు. ఆ తర్వాత 1998 లో గుజరాత్ రాష్ట్ర ఎన్నికలలో పోటీ చేసి ఆ రాష్ట్ర శాసనసభ్యురాలిగా ఎన్నికైనారు. ఆమె ప్రస్తుతం గుజరాత్ లో వరుసగా నాలుగుసార్లు మహిళా ఎన్నికైన వ్యక్తిగా నిలిచారు. ఆమె నాలుగవ సారి ఎన్నికైన తర్వాత గుజరాత్ రాష్ట్ర కేబినెట్ మంత్రి అయినారు. గుజరాత్ ముఖ్యమంత్రిగా నరేంద్ర మోడీ ప్రధాన మంత్రి అభ్యర్థిగా ఎంపికైనందున ఆయన మే 21, 2014 న తన ముఖ్యమంత్రి పదవికి రాజీనామా చేశారు. ఆ స్థానంలో గట్లోడియా నుంచి ప్రాతినిధ్యం వహిస్తున్న ఆనందిబెన్ పటేల్ ను గుజరాత్ ముఖ్యమంత్రిగా  శాసనసభా పక్షం ఎన్నుకొంది. ఈమె మే 22న గుజరాత్ ముఖ్యమంత్రిగా బాధ్యతలు చేపట్టారు. ఈమె ప్రస్తుతం గుజరాత్ రాష్ట్రంలో మహిళా శాసనసభ్యులలో అత్యధిక కాలం శాసనసభ్యురాలిగా ఉన్న మహిళగా గుర్తింపు పొందారు. విభాగాలు: గుజరాత్ రాజకీయ నాయకులు, గుజరాత్ ముఖ్యమంత్రులు, 1941లో జన్మించినవారు,   = = = = =