వేటూరి సుందరరామమూర్తి (Veturi Sundara Ramamurthy)

వేటూరి సుందరరామమూర్తి జననం జనవరి 29, 1936 స్వస్థలం పెదకళ్ళేపల్లి రంగం సినిమా పాటల రచయిత మరణం మే 22, 2010 ప్రముఖ తెలుగు సునీగీత రచయితగా ప్రసిద్ధి చెందిన వేటూరి సుందరరామ్మూర్తి జనవరి 29, 1936న కృష్ణా జిల్లా మోపిదేవి మండలం పెదకళ్ళేపల్లిలో  జన్మించారు. తిరుపతి వేంకట కవులు, దైతా గోపాలంల వద్ద శిష్యరికం చేసి ప్రారంభంలో పాత్రికేయునిగా పనిచేసి తర్వాత సినీరంగంలో  ప్రవేశించారు. తెలుగు సినిమాలకు సంబంధించి వేల పాటలు రచించారు. 6 నంది అవార్డులతో పాటు మొత్తం 14 అవార్డులు, ఒక జాతీయ పురస్కారం అందుకున్నారు. 75 సంవత్సరాల వయస్సులో మే 22, 2010  మరణించారు. సినీ ప్రస్థానం: వేటూరి తొలిసారిగా కె.విశ్వనాథ్ దర్శకత్వం వహించిన "ఓ సీత కథ" ద్వారా సినీ రంగ ప్రవేశం చేశారు. అడవి రాముడు, శంకరాభరణం. ఇంకా సిరిసిరిమువ్వ, సాగరసంగమం, సప్తపది, సీతాకోకచిలుక, ముద్దమందారం, సితార, అన్వేషణ, స్వాతిముత్యం లాంటి ఎన్నో సినిమాలకు అద్బుతమయిన పాటలు అందించారు. వేటూరి సంప్రదాయ కవిత్వం దగ్గర నుండి జానపద గీతాల వరకు అన్నింటిలోనూ తన ప్రతిభను నిరూపించుకున్నారు. ఆయన మాతృదేవోభవ సినిమాకి రాసిన రాలిపోయే పువ్వా నీకు రాగాలెందుకే... అనే పాటకి 1994వ సంవత్సరానికి గాను జాతీయ పురస్కారం లభించింది. అయితే కేంద్ర ప్రభుతం తెలుగు భాషకు ప్రాచీన భాషా హోదా ఇవ్వనందుకు నిరసనగా తన పాటకు వచ్చిన జాతీయ పురస్కారాన్ని తిరిగి ఇచ్చి వేశారు.  పురస్కారాలు: వేటూరి 8 సార్లు నంది అవార్డులు, 2 సార్లు జాతీయ పురస్కారాలు పొందారు. తొలిసారిగా 1977లో నందిపురస్కారం పొందిన వేటూరి ఆ తర్వాత శంకరాభరణం, కాంచనగంగ, ప్రతిఘటన, చంటి, సుందర కాండ తదితర చిత్రాలకై అవార్డులు స్వీకరించారు. 1994లో మాతృదేవోభవ చిత్రంలో "రాలిపోయే పువ్వా, నీకు రాగాలెందుకే..." పాటకై జాతీయ పురస్కారాన్ని పొందారు. 2000లో ఫిలింఫేర్ అవార్డును స్వీకరించారు.      ఇవి కూడా చూడండి: కృష్ణా జిల్లా ప్రముఖులు, తెలుగు సినిమా పాటల రచయితలు, మోపిదేవి మండలం, వేటూరి ప్రభాకరశాస్త్రి,  మే 22,   విభాగాలు: తెలుగు సినిమా, కృష్ణా జిల్లా ప్రముఖులు, మోపిదేవి మండలము, 1936లో జన్మించినవారు, 2010లో మరణించినవారు,   = = = = =