తలసాని శ్రీనివాసయాదవ్ (Talasani Srinivas Yadav)

తలసాని శ్రీనివాసయాదవ్ జననం అక్టోబరు 6, 1965 స్వస్థలం హైదరాబాదు రంగం రాజకీయాలు పదవులు 4 సార్లు ఎమ్మెల్యే, రాష్ట్ర మంత్రి, తలసాని శ్రీనివాసయాదవ్ హైదరాబాదుకు చెందిన రాజకీయనాయకుడు. అక్టోబరు 6, 1965న జన్మించిన శ్రీనివాస్ యాదవ్ ఇంటర్మీడియట్ వరకు అభ్యసించి రాజకీయాలలో ప్రవేశించారు. తెలుగుదేశం పార్టీ తరఫున 6 సార్లు పోటీచేసి 4 సార్లు శాసనసభకు ఎన్నికయ్యారు. 2 సార్లు మంత్రిగానూ పనిచేశారు. సికింద్రాబాదు నియోజకవర్గం నుంచి 3 సార్లు శాసనసభకు ఎన్నికైన తలసాని యాదవ్ 2009లో సికింద్రాబాదులో జయసుధ చేతిలో ఓడిపోగా 2014లో సనత్‌నగర్ అసెంబ్లీ నియోజకవర్గం నుంచి 27వేలకు పైగా ఓట్ల మెజారిటితో తెరాస అభ్యర్థిపై విజయం సాధించారు. 2014, అక్టోబరు 9న గ్రేటర్ హైదరాబాదు తెలుగుదేశం పార్టీ అధ్యక్షుడిగా నియమితులైనారు. డిసెంబరు 16, 2014న తెలుగుదేశం పార్టీకి మరియు శాసనసభ్యత్వానికి రాజీనామా చేసి తెరాసలో చేరి తెలంగాణ మంత్రివర్గంలో స్థానం పొందారు. 2018లో కూడా సనత్‌నగర్ నియోజకవర్గం నుంచి తెరాస తరఫున పోటీచేసి విజయం సాధించారు. 2019లో మంత్రివర్గంలో స్థానం పొందారు. ఇవి కూడా చూడండి: సనత్‌నగర్ అసెంబ్లీ నియోజకవర్గం, కేసీఆర్ రెండో మంత్రివర్గం (2018-23), హోం, విభాగాలు: హైదరాబాదు రాజకీయనాయకులు, సనత్‌నగర్ అసెంబ్లీ నియోజకవర్గం, తెలంగాణ రాష్ట్ర ప్రస్తుత మంత్రులు, తెలంగాణ 1వ శాసనసభ సభ్యులు (2014-18), తెలంగాణ 2వ శాసనసభ సభ్యులు (2018-23),  = = = = =