కుందూ నది (Kundu River)

కుందూ నది ప్రధాననది పెన్నానది పరీవాహక జిల్లాలు కడప, కర్నూలు, కుందూ లేదా కుందేరు నది  (కుముద్వతి అని కూడా పిలుస్తారు) కర్నూలు జిల్లాలో ఎర్రమల కనుమలలో పుట్టి దక్షిణ దిశలో ప్రవహించి కడప జిల్లా కమలాపురం సమీపములో పెన్నానదిలో కలుస్తుంది. కుందూ నదీతీరాన ఉన్న పట్టణాలలో నంద్యాల ముఖ్యమైనది. నది పరివాహక పరిధిలో కర్నూలు జిల్లలోని ఓర్వకల్లు, మిడుతూరు, గడివేముల, నంద్యాల, గోస్పాడు, కోయిలకుంట్ల, దొర్నిపాడు మరియు చాగలమర్రి, కడప జిల్లాలోని మైదుకూరు మండలాలు ఉన్నాయి. కుందేరులో నీళ్లు పశ్చిమాన మద్దులేరు, జుర్రేరు నుండి తూర్పున కాళి మరియు వక్కలేరు నుండి చేరతాయి. కుందేరు మరియు మద్దులేరు నిండా నీటితో ప్రవహించినప్పుడు వాటి మధ్యన ఉన్న జలకనూరు వంటి గ్రామాలు నీటితో నిండిపోతాయి. జుర్రేరు బనగానపల్లె ప్రాంతము నుండి ప్రవహించి కుందేరులో చేరుతుంది. నంద్యాల వద్ద కర్నూలు - కంభం రహదారిపై కుందూనదికి 1864లో ఒక వంతెన నిర్మించారు. విభాగాలు: ఆంధ్రప్రదేశ్ నదులు, కర్నూలు జిల్లా నదులు, కడప జిల్లా నదులు, పెన్నానది,   = = = = =